އިރާގުގައި ކުރަމުންދާ ހަޅުތާލުތަކަށް ހުއްޓުމެއްނައި!

މިދިޔަ އޮކްޓޯބަރު މަހުގެ އެއް ވަނަ ދުވަހު އިރާގުގައި ފަށާފައިވާ ހަޅުތާލުތަކަށް އަދިވެސް ހުއްޓުމެއް އައިސްފައިނުވާ ކަމަށް ރިޕޯޓްތަކުން ބުނެފިއެވެ.

އިރާގުގައި ހަޅުތާލު ފަށާފައިވަނީ ވަޒީފާގެ ފުރުސަތުތައް މަދުވުމާއި، އިގްތިސާދީ ހީނަރުކަން އިންތިހާއަށް ގޮސްފައިވާވާތީ ކަމަށް ހަބަރުތަކުގައި ބުނެއެވެ.

ހަޅުތާލުތަކަށް މަހެއް ވެގެންދިޔަ އިރު އިދިކޮޅު ޝިޔައީ ލީޑަރުން ގޮވާލާފައިވީ ނަމަވެސް އެ ގައުމުގެ ރައްޔިތުން ހަޅުތާލު ހުއްޓާކަށް ހިފާފައެއް ނުވެއެވެ.

އިރާގުގެ ހަޅުތާލުތަކުގައި އެ ގައުމުގެ ސިފައިނާ ހިނގާދިޔަ ކުރިމަތިލުންތަކުގައި 230 އަށްވުރެ ގިނަ މީހުން މަރުވެފައިވާ ކަމަށް ރިޕޯޓްތަކުން ދައްކައެވެ.

ހަޅުތާލުކުރާ މީހުންގެ ތެރެއަށް ކަރުނަ ގޭހާއި ސްޓަން ގްރެނޭޑް އުކަމުން ގެންދާއިރު، ހަޅުތާލުގެ ބައިވެރިން ވެސް ތިބެނީ ހެލްމެޓު ފަދަ ސަލާމަތީ ވަސީލަތައްތައް އަޅައިގެންކަން ފާހަގަކޮށްލެވެއެވެ.