ދުނިޔެ
ނޭޕާލް
ނޭޕާލަށް ކުރަމުންދާ ވިއްސާރައިގައި ވޭތުވެދިޔަ ދެތިންދުވަސް ތެރޭ 30 މަރު
އިމާރާތްތަކަށާއި ބްރިޖްތަކަށް ބޮޑެތި ގެއްލުންތަކެއް ވަނީ ލިިބިފައި
އަހުމަދު އަނޫޝު, ރާއްޖެ އެމްވީ | 13 އޯގަސްޓު 2017 | އާދީއްތަ 04:22
ނޭޕާލަށް ކުރަމުން ދަނީ މޫސުމީ ވިއްސާރައެއް
ނޭޕާލަށް ބޯކޮށް ވާރޭވެހި ބިންގަނޑުކަނޑައިގެން ދިޔުމުގެ ހާދިސާތަކުގައި ވޭތުވެދިޔަ ދެތިން ދުވަސް ތެރޭ މަދުވެގެން 30 މީހަކު މަރުވެފައިވާ ކަމަށް އޮފިޝަލުން ބުނެފިއެވެ.
މިހާދިސާތަކާއި ގުޅިގެން 10 މީހަކު ގެއްލިފައިވާއިރު ނޭޕާލްގެ ބޮޑު ސަރަހައްދެއްގައި ފެންބޮޑުވެފައިވާ ކަމަށް ރިޕޯޓުތައް ބުނެއެވެ.
މީހުން ސަލާމަތް ކުރުމުގެ މަސައްކަތުގައި ފުލުހުންނާއި، ސިފައިންނާއި އަދި އާންމުން ދަނީ ހަރަކާތްތެރި ވަމުންނެވެ.
ނޭޕާލަށް ޖޫން އިން ފެށިގެން ސެޕްޓެމްބަރު މަހާ ހަމައަށް ކުރާ މޫސުމީ ވިއްސާރަ އަކީ ދަނޑުގޮވާން ކުރުމަށް ބަރޯސާވާ ނޭޕާލަށް މުހިންމު ވިއްސާރައެކެވެ. އެހެންނަމަވެސް ކޮންމެ އަހަރަކުވެސް ވިއްސާރައިގެ ސަބަބުން ނޭޕާލަށް ބޮޑެތި ގެއްލުން ލިބެއެވެ.
