އަންގާރަ 26 މެއި 2020
07 ރޯނު
1441 ޝައްވާލް 03
ފަތިސް 04:34
އިރުއަރާ 05:51
މެންދުރު 12:07
އަސްރު 15:29
އިރުއޮއްސޭ 18:15
އިޝާ 19:32
ހައިކޯޓު ފަނޑިޔާރު

ހައިކޯޓުގެ އާ ދެ ފަނޑިޔާރުން ހުވާކުރައްވައިފި

  • ހުވާލައިދެއްވީ އުއްތަމަ ފަނޑިޔާރު ޑރ. އަހްމަދު އަބްދުﷲ ދީދީ
  • ފަނޑިޔާރުންނަށް މަހު މުސާރައެއްގެ ގޮތުގައި 36،000 ރުފިޔާ ލިބޭނެ

ކ. މާލެ | 7 ނޮވެންބަރ 2019 | ބުރާސްފަތި 22:41 | 3,494

ހާތިފް ހިލްމީ އަދި ހުސައިން މަޒީދު ހުވާކުރައްވަނީ - ރާއްޖެއެމްވީ

ހާތިފް ހިލްމީ އަދި ހުސައިން މަޒީދު ހައިކޯޓުގެ ފަނޑިޔާރުކަމުގެ ހުވާކުރައްވައިފި އެވެ.

ބުރާސްފަތި ދުވަހުގެރޭ ބޭއްވި ރަސްމިއްޔާތުގައި ހައިކޯޓުގެ ދެ ފަނޑިޔާރުންގެ ގޮތުގައި ސިވިލް ކޯޓުގެ ދެ ގާޒީން ކަމުގައިވާ ގ. ޑޭޒީފެހި ހާތިފް ހިލްމީއާއި މއ. ވޭސައިޑް ފްލެޓު 705 ހުސައިން މަޒީދު ހުވާލައިދެއްވީ އުއްތަމަ ފަނޑިޔާރު ޑރ. އަހްމަދު އަބްދުﷲ ދީދީއެވެ.

ހައިކޯޓު ފަނޑިޔާރުންނަށް މަހު މުސާރައެއްގެ ގޮތުގައި 36،000 ރުފިޔާ ލިބޭނެއެވެ. އަދި ލިވިން އެލަވަންސެއްގެ ގޮތުގައި 15،000 ރުފިޔާ ލިބޭއިރު ރިސްކު އެލަވަންސްގެ ގޮތުގައި 3300 ރުފިޔާ ލިބޭނެއެވެ. އަދި ފޯނު އެލަވަންސާއި މެޑިކަލް އިންޝުއަރެންސް މަޖިލީހުން ރައްޔިތުންގެ މަޖިލީހުން ކަނޑައަޅާފައިވާ ގޮތުގެ މަތިން ލިބިގެންދާނެއެވެ.

17 ވަނަ ރައްޔިތުންގެ މަޖިލީހުން ކޯޓުތަކުގެ ގާނޫނަށް ގެނައި އިސްލާހުގައި އެ ކޯޓުގެ ފަނޑިޔާރުންގެ ބެންޗުގެ އަދަދު 11 އަށް ބަދަލުކުރިއެވެ. އަދި ޖޭއެސްސީން ހައިކޯޓުގެ ހުސްވެފައިވާ ދެ ފަނޑިޔާރުކަމުގެ މަގާމަށް ކުރިމަތިލުމަށް ހުޅުވާލީ އޮކްޓޫބަރުމަހުގެ ތެރޭގައެވެ. އެ ފުރުސަތުގައި 12 ބޭފުޅަކު އެ ދެ މަގާމަށް ކުރިމަތިލެއްވިއެވެ.

ހައިކޯޓު އެކުލެވިގެންވާ ގޮތަށް ބަދަލު ގެނެސް، ކޯޓުތަކާ ބެހޭ ގާނޫނަށް ގެނައި އިސްލާހު ތަސްދީގުކޮށްފައިވަނީ 18 ޖޫން 2017 ގައެވެ.

އެންމެ ފަހުން އަޕްޑޭޓް ކުރީ: 3 މަސް ކުރިން | ރިވިއު ކުރީ: އަބުދުﷲ ނަސީރު އިބްރާހިމް

މި ލިޔުން ކިޔާލުމުން

ޚަބަރެއް ނުވަތަ މައުލޫމާތެއް ރާއްޖެއެމްވީ އަށް ދެއްވުމަށް [email protected] އަށް އީމެއިލް ކުރައްވާ ނުވަތަ 3007773 ނަންބަރަށް ގުޅުއްވާ.