ރާއްޖެޓީވީން އެމްޑީޕީގެ ނައިބް ރައީސްގެ މަޤާމަށް ކުރިމަތިލެއްވި ދެ ކެނޑިޑޭޓުންގެ މެދުގައި ބަހުސްއެއް ބާއްވަނީ
7 ނޮވެމްބަރު 2019 | ބުރާސްފަތި 13:16ބަހުސް ބޭއްވުމަށް ހަަމަޖެހިފައިވަނީ މިމަހުގެ 15 ވަނަ ދުވަހުގެ ރޭ 9:00 ގައި
އެމްޑީޕީގެ ނައިބް ރައީސްކަމަށް ވާދަކުރައްވާ ޝިފާޒް އަދި އަސްލަމް
މިމަހުގެ 22 ވަނަ ދުވަހު އޮންނަ މޯލްޑިވިއަން ޑިމޮކްރެޓިކް ޕާޓީ (އެމްޑީޕީ) ގެ ނައިބް ރައީސަކު ހޮވުމުގެ އިންތިޚާބުގައި ވާދަކުރައްވާ ދެ ކެނޑިޑޭޓުންގެ މެދުގައި ބަހުސްއެއް ބޭއްވުމަށް ރާއްޖޭ ޓީވީން ނިންމައިފިއެވެ.
ރާއްޖެ ޓީވީގެ ފަރާތުން އެމްޑީޕީގެ ޗެއަރ ޕާރސަން ހަސަން ލަތީފަށް އެޑްރެސްކޮށް ބުރާސްފަތި ދުވަހު ފޮނުވާފައިވާ ސިޓީގައި ވަނީ ދެ ކެނޑީޑޭޓުންނަށް ޕާޓީގެ ފަރާތުން އެކަން އަންގަވާލަ ދެއްވާ ބަހުސް ބޭއްވުމަށް އެމްޑީޕީން ދެވެން އޮތް އެއްބާރުލުމެއް ދިނުމަށެވެ.
ބަހުސް ބާއްވަން ކަނޑައަޅާފައިވަނީ މި ހިނގާ ނޮވެމްބަރު މަހުގެ 15 ވާ ހުކުރު ދުވަހުރޭ 9:00 ގައެވެ.
ހުސްވެފައިވާ އެމްޑީޕީގެ ނައިބް ރައީސްގެ މަޤާމަށް ވާދަކުރައްވަނީ ރައީސް އޮފީހުގެ މިނިސްޓަރ މުހައްމަދު ޝިފާޒް އާއި ހިތަދޫ އުތުރު ދާއިރާގެ މެމްބަރު މުހައްމަދު އަސްލަމް އެވެ. އަދި ޕާޓީގެ ހުސްވެފައިވާ ރައީސް ކަމުގެ މަޤާމަށް ވަދަކުރައްވަނީ ކުރީގެ ރައީސް އަދި ރައްޔިތުންގެ މަޖިލީހުގެ ރައީސް މުހައްމަދު ނަޝީދެވެ.
