ޓްރާންސްޕޯޓު މިނިސްޓްރީގެ ދަށުން ހިންގާ ޔުނިވާސިޓީގެ ފެކަލްޓީއެއް ކަމަށްވާ ސެންޓަރ ފޯ މެރިޓައިމް ސްޓަޑީޒް (ސީއެމްއެސް) އިން ހިންގާ ކޯސްތަކުގައި ކިވައިދޭ އެއްޗެއްސާ ގުޅުންހުރި ސަނަދުތަކެއް ނުވަތަ ލައިސަންސްތަކެއް ހޯދައި ދިނުމަށް ސީފެއާރސް ޔޫނިއަނުން އެދިއްޖެ އެވެ.
ސީފެއަރސް ޔޫނިއަންގެ އޮފީހުގައި ހޯމަ ދުވަހު ބޭއްވި ނޫސްވެރިންގެ ބައްދަލުވުމުގައި އެ ޔޫނިއަންގެ ލީޑަރ މުހައްމަދު އާޝިފް ވިދާޅުވީ، ސީއެމްއެސް އިން ހިންގާ ކޯސްތައް ބައިނަލްއަގްވާމީ މިންގަނޑުތަކަށް ނުފެތޭތީ ރަނގަޅުކުރަންޖެހޭ ކަންތައްތަކެއް ހިއްސާކުރުމަށް އެތަނުގެ އިސްވެރިންނާވެސް ބައްދަލުކުރެއްވި ކަމަށެވެ.
މައްސަލަތަކުގެ ތެރޭގައި އެ ކިޔަވައިދޭ ކިޔަވައިދިނުމާއި އެ ހޭދަ ކުރެވޭ ވަގުތުތަކާއި އެ ކިޔވައިދޭ އެއްޗިއްސާއި ގުޅުންހުރި ސަނަދުތަކެއް، ލައިސަންސްތަކެއް އެބޭފުޅުންނަށް ދެވޭނެ ކަހަލަ އިންތިޒާމެއް ކުރެވޭނެ ކަހަލަގޮތެއް ހައްދަވައިދެއްވުމަކީ އަޅުގަނޑުމެން ވަރަށް ބޮޑަށް އެދޭ ކަމެއް ކަމުގައި އެބޭފުޅުންގެ ސަމާލުމަކަށް ގެނެސް ލަފާ އެރުވިން.
އާޝިފް އިތުރަށް ވިދާޅުވި، ހުށަހެޅުނު މައްސަލަތަކަށް އެންމެން އެއްބާރުލުންދީގެން އެކަމުގައި މަޝްވަރާތައްކޮށް ރަނގަޅު ހައްލަކަށް ދިޔުމަށްޓަކައި އަތުކުރި އޮޅާލުމަކީ އެ ސިނާއަތު ކުރިޔަށް ގެންދިޔުމަށް ވަރަށް މުހިއްމު ކަމެއްކަމަށެވެ.
އާޝިފް ވިދާޅުވީ، ކުރިޔަށްއޮތްތާގައި އެ ދާއިރާ ވީހާވެސް ފުޅާކޮށް ،ދާއިރާއަށް ވީހާވެސް ގިނަ ކުދިން ޝައުގުވެރިކުރަން އެދޭ ކަމަށެވެ. އަދި އެ ދާއިރާގައި ތައުލީމު އުނގެނޭ ކުދިންނަށް ދިމާވާ މައްސަލަތަކުގައި ކަންކަން ބެލޭނެ ނިޒާމެއް ނެތްކަމަށް އާޝިފް ވިދާޅުވިއިރު ކޯސްތައް ކޯޑިނޭޓްކުރާނެ ކޯޑިނެޓަރުން ވެސް ނެތް ކަމަށް އޭނާ ވިދާޅުވިއެވެ.
ތައުލީމާއި ތަހުޒީބުގެ ތެރެއިން ތައުލީމް އުނގަންނައިދޭން ބޭނުންވާނަމަ، ދިވެހި ރާއްޖެ ބައިވެރިވެފައިވާ މުއާހަދާތަކާއި އެ މުއާހަދާގެ ދަށުން އަޅުގަނޑުމެންނަށް ކިޔަވައިދޭން އަންގާ އެންގުންތައް ކަނޑުދަތުރުފަތުރު ކުރުމުގެ ސިނާއަތުގެ ތެރެއިން ކުރަންޖެހޭ އެންމެ މުހިއްމު ކަންތައްތައް އެބޭފުޅުން ކުރަންޖެހޭނެ ކަމަށް އެބޭފުޅުންނަށް ހަނދުމަކޮށްދިނިން.
ސީފެއަރސް ޔޫނިއަންގެ ލީގަލް ޑިޕާންޓްމެންޓްގައި މަސައްކަތްކުރައްވާ މުސްތަފާ ހަމީދު ވިދާޅުވީ، ކަންތައްތައް ބަލަމުންދިޔައިރު ބައިނަލްއަގްވާމީ މުއާހަދާތަކާއި ހިލާފަށް ބައެއް ކަހަލަ ލައިސަންސްތައް ޓްރާންސްޕޯޓު މިނިސްޓްރީންދީފައި ހުރިކަން ފާހަގަކުރެވޭ ކަމަށެވެ. އޭނާ ވިދާޅުވީ، ހަތަރު ވަރަކަށް މައްސަލައެއް ދީރާސާކުރަމުންދާ ކަމަށާއި ބައެއް މައްސަލަތައް ދިވެހި ރާއްޖޭގެ ޝަރުއީ ނިޒާމު މެދުވެރިކޮށް ހައްލުހޯދުމަށްޓަކައި ސިވިލް ކޯޓަށް ހުށަހެޅިފައި ކަމަށެވެ.
ދަތުރުކުރާ މީހުންނާއި ވީހާވެސް ގިނަ ލޭބަރުންނަށް ދިމާވެފައިވާ މައްސަލަތަކަށް ހައްލު ހޯދުމަށްޓަކައި ސީފެއާރސްއަށް ގުޅުމަށް އޭނާ ގޮވާލިއެވެ.
