ކ. މާލެ
|
17 ޖެނުއަރީ 2017 | އަންގާރަ 23:35
އަދާލަތު ޕާޓީގެ ކޮންގރެސްގެ ތެރެއިން
އަދާލަތު ޕާޓީގެ ކޮންގރެސްގެ ތެރެއިން
ޓްވިޓަރ
އަދާލަތު ޕާޓީ
އިންތިޚާބުގައި ބައިވެރި ނުވީ ޤާނޫނާ ޚިލާފަށް ހިންގާ ޖަރީމާއެއްގައި ދައުރެއް ނުބޭއްވުމަށް: އަދާލަތު
 
މާތްވެގެންވާ އިސްލާމްދީނާއި ދިވެހި ރައްޔިތުންގެ ހަމަޖެހުމާއި ދިވެހި ޤައުމުގެ ސިޔާދަތު ދެމިއޮތުމަށް ލޮޅުމެއް އަތުވެދާނެ
 
ކުރިއަށް އިންތިޚާބަކީ ދިވެހިރާއްޖޭގެ އިންތިޚާބީ ނިޒާމު މުޅިން ހަލާކުކޮށް ރައްޔިތުންގެ ވެރިކަމާއި ޤާނޫނުގެ ބާރު ނެތިކޮށްލާން ހިންގާފައިވާ ބޭއިންސާފު އަނިޔާވެރި ޖިނާއީ ކުށްތަކެއް

އޭޕްރީލް 8 ވަނަ ދުވަހު ބޭއްވުމަށް ނިންމާފައިވާ ލޯކަލް ކައުންސިލް އިންތިޚާބުގައި ބައިވެރި ނުވީ ސަރުކާރާއި އިލެކްޝަންސް ކަމިޝަނާއި ދިވެހި ދައުލަތް ހިންގުމަށް ހަވާލުކޮށްފައިތިބި އެހެން ބައެއްފަރާތްތައް ގުޅިގެން، ޤާނޫނީ ނިޒާމުގެ ބޭރުން ހިންގާ ބޮޑު ޖަރީމާއެއްގައި ބައިވެރިވެ އެފަދަކަންކަމަށް ޤާނޫނީ ހައިޞިއްޔަތު ހޯދައިދިނުމުގައި ޢަދާލަތު ޕާޓީގެ ދައުރެއް ނުބޭއްވުމަށް ކަމަށް އަދާލަތު ޕާޓީން ބުނެފިއެވެ.

ލޯކަލް ކައުންސިލްތަކުގެ އިންތިޚާބުގައި ވާދަނުކުރުމަށް އަދާލަތު ޕާޓީން ނިންމި ނިންމުމާ ގުޅޭގޮތުން އަންގާރަ ދުވަހު ނެރުނު ބަޔާނެއްގައި ބުނެފައިވަނީ ދިވެހި ރައްޔިތުންގެ އިންތިޚާބީ ޙައްގުތައް ނިގުޅާގަތުމަށްޓަކައި، ދިވެހިރާއްޖޭގެ ޤާނޫނުއަސާސީ އާއި ޤާނޫނުތަކާއި ޤަވާޢިދުތަކުގެ ބޭރުން 2017 ވަނައަހަރު ބޭއްވުމަށް އިލެކްޝަންސް ކަމިޝަނުން އިޢުލާންކޮށްފައިވާ ލޯކަލްކައުންސިލްތަކުގެ އިންތަޚާބުގައި ޢަދާލަތު ޕާޓީގެ ފަރާތުން ވާދަނުކުރުމަށް ނިންމީ، ސަރުކާރާއި އިލެކްޝަންސް ކަމިޝަނާއި ދިވެހި ދަޢުލަތް ހިންގުމަށް ހަވާލުކޮށްފައިތިބި އެހެން ބައެއްފަރާތްތައް ގުޅިގެން، ޤާނޫނީ ނިޒާމުގެ ބޭރުން ހިންގާ ބޮޑު ޖަރީމާއެއްގައި ބައިވެރިވެ އެފަދަކަންކަމަށް ޤާނޫނީ ހައިޞިއްޔަތު ހޯދައިދިނުމުގައި ޢަދާލަތު ޕާޓީގެ ދައުރެއް ނުބޭއްވުމަށް ކަމަށެވެ.

އަދި ޤާނޫނީ ހަމަތަކުގެމަތިން ދިވެހި ރައްޔިތުންނަށް ފޯރުކޮށްދޭންޖެހޭ 2017 ވަނައަހަރުގެ ލޯކަލް ކައުންސިލްތަކުގެ އިންތިޚާބު ނިގުޅާގަނެ، އެކަމާމެދު ޢަމަލުކޮށްފައިވާގޮތާއި ނިންމާފައިވާ ނިންމުންތަކުގައި ހުރީ އިންތިޚާބުތަކާގުޅިގެން އާންމުގޮތެއްގައި ފެންމަތިވާފަދަ އާދައިގެ ކުދިކުދި މައްސަލަތަކެއްނޫން ކަމަށާއި އެކަމުގެ ތެރޭގައި ހާމަޔަށް ފެންނަންހުރީ ގިނަ ޕާޓީއެކުލެވޭ ސިޔާސީ ނިޒާމާއި، ދިވެހިރާއްޖޭގެ އިންތިޚާބީ ނިޒާމު މުޅިން ހަލާކުކޮށް ރައްޔިތުންގެ ވެރިކަމާއި ޤާނޫނުގެ ބާރު ނެތިކޮށްލާން ހިންގާފައިވާ ބޭއިންސާފު އަނިޔާވެރި ޖިނާއީ ކުށްތަކެއް ކަމަށް އަދާލަތުން ވަނީ ބުނެފައެވެ.

އެހެންކަމުން މާތްވެގެންވާ އިސްލާމްދީނާއި ދިވެހި ރައްޔިތުންގެ ހަމަޖެހުމާއި ދިވެހި ޤައުމުގެ ސިޔާދަތު ދެމިއޮތުން ބިނާވެގެންވަނީ ރައްޔިތުންގެ ވެރިކަމާއި ޤާނޫނުގެ ބާރު ދިވެހިރާއްޖޭގައި ހިންގާ މިންވަރެއްގެ މައްޗަށް ކަމުގައި ވީހިނދު، މިކަންކަމަށް ލޮޅުމެއް އަތުވެދާނެ ކޮންމެކަމަކާ ދެކޮޅުހަދާ އެކަންކަން ހުއްޓުވާ ދިވެހި ރައްޔިތުންގެ މަސްލަޙަތުތައް ހިމާޔަތްކުރުމަށްޓަކައި ކުރާމަސައްކަތުގައި ޢަދާލަތު ޕާޓީ އަބަދުވެސް ދެމިއޮންނާނެ ކަމަށް އެބަޔާނުގައި ބުނެފައި ވެއެވެ.

އަދާލަތުން ބުނީ  ދިވެހިރާއްޖޭގެ އިންތިޚާބީ ނިޒާމު ހަރާބުކޮށްފައިވާހިނދު، ކުރިޔަށްއޮތް ރިޔާސީ އިންތިޚާބަކީ ގައުމުގެ މުސްތަގުބަލް އެ އިންތިޚާބާ ހުރިހާގޮތަކުން ގުޅިލާމެހިފައިވާ އިންތިޚާބަކަށްވާތީ، ކުރިޔަށްހުރި އިންތިޚާބުތަކުގެ އިންސާފުވެރިކަން ކަށަވަރުކުރުމަށްޓަކައި އިންތިޚާބުގެ ނަމުގައި މިވަގުތު ހިންގަމުންގެންދާ ޤާނޫނާ ޚިލާފު ކަންކަން ހުއްޓުވާ އެކަންކަމަށް ފާޅުގައި ދެކޮޅުހަދާ ނޫނެކޭބުނެ، ދިވެހި ރައްޔިތުންގެ ޙައްޤުގައި ދިވެހިރާއްޖެއިން ބައިވެރިވެފައިވާ ބައިނަލްއަޤުވާމީ މުއާހަދާތަކުން ބާރުލިބިގެން، ދިވެހިރާއްޖެ ގުޅިފައިވާ ބައިނަލްއަޤުވާމީ ޖަމްޢިއްޔާތަކާއި އެކުވެރި ދަޢުލަތްތަކުގެ ސަމާލުކަމަށް މިކަންކަންގެނެސް، ސަރުކާރާއި ދަޢުލަތުގެ އެހެން ފަރާތްތަކުން ހިންގަމުންގެންދާ ޖަރީމާތައް ހުއްޓުވާ، އިންތިޚާބީ ކަންކަން އަލުން ޤޫނޫނުގެ ތަރަހައިގެ ތެރެއަށްގެނެސް ކުރިޔަށް އޮތް ރިޔާސީ އިންތިޚާބަކީ ހުރިހާ ފަރާތްތަކަށްވެސް ވާދަކުރެވޭ ދެފުށްފެންނަ އިންސާފުވެރި އިންތިޚާބެއްކަން ކަށަވަރުކުރުމަށްޓަކައި މަސައްކަތްކުރުމަށް އެންމެ މުހިންމު ދަނޑިވަޅަކީ މިވަގުތު ކަމުގައިވެސް ދެކޭ ކަމަށެވެ.

އެހެންކަމުން ލޯކަލްކައުންސިލްތަކުގެ އިންތިޚާބުގެ ނަމުގައި ހިންގަމުދާ ޤާނޫނާ ޚިލާފު ކަންކަމަށް ނޫނެކޭބުނެ އެކަންކަމަށް ޤާނޫނީ ހައިޞިއްޔަތު ދިނުމަށް އިންކާރުކުރުމަކީ ޢަދާލަތު ޕާޓީން ނިންމި އުނދަގޫ އެހެންނަމަވެސް ދިވެހި ރައްޔިތުންނާއި ދިވެހި ޤައުމުގެ މުސްތަޤުބަލަށްޓަކައި ކޮންމެހެން މުހިންމު ނިންމުމެއް ކަމަށް އަދާލަތުން ވަނީ ބުނެފައެވެ.

އެންމެ ފަހުން އަޕްޑޭޓް ކުރީ: 3 ހަފްތާ ކުރިން
ރިވިއު ކުރީ: ރާއްޖެ އެމްވީ
0%
0%
0%
0%
0%
0%
ކޮމެންޓް
ގުޅުންހުރި
މިމައްސަރަކީ މުޅި އުމުރުގައި ކޮށްފައިވާ ފާފައިން ތާހިރުވުމަށް ލިބޭ ފުރުސަތެއް، ރޭއަޅުކަންކުރުން އިތުރުކުރޭ: ޚުތުބާ
ދައުލަތުގެ މުވައްޒަފަކާ ގުޅުންހުރި ފަރާތަކާއެކު ވިޔަފާރީގެ މުޢާމަލާތް ކުރެވޭނެ ގޮތްތައް ބަޔާންކޮށް އުސޫލެއް ނެރެފި
ފުލުހުންގެ ހިދުމަތަށް 91 އަހަރު - މިދިޔަ 5 އަހަރަކީ ފުލުހުންގެ ތަރައްގީއަށް އެންމެ ގިނަ މަސައްކަތްކުރެވުނު 5 އަހަރު
ފައްޔާޒު ފުލުހަށް ހާޒިރުކުރުން: މިއީ އަނިޔާވެރިކަމުގެ ފެށުންތަ؟
މަސްތުވާތަކެތި ބޭނުންކޮށް، ގެންގުޅެ އެތަކެތީގެ ވިޔަފާރި ކުރުމުގެ ތުހުމުގައި މީހަކު ބަންދުކޮށްފި
ސަރުކާރު ބަންދު ގިނަ ދުވަސްތަކެއް އަންނާތީ، މުއްދަތު ހަމާވާ ލައިސެންސްތަކުގެ ތާރީހުތަކަށް ބަދަލުތަކެއް
އެންމެ ޒަމާނީ ވަސީލަތްތައް ހޯދައި، ސިފައިންގެ ގާބިލުކަން އިތުރުކުރުމަށް ދަނީ ގިނަ މަސައްކަތްތަކެއް ކުރަމުން: މިނިސްޓަރު
ތުއްތުކުދިން ޤުރުއާނަށް ލޯބިޖެއްސުމަށް ޤުރުއާން މުބާރާތްތައް ކުރިޔަށް ގެންދިއުމަކީ މުހިންމުކަމެއް - ފަސްޓްލޭޑީ ސާޖިދާ