ގާނޫނީ ވަކީލަކު، ޕަކިސްތާނުގެ ބޮޑުވަޒީރު އިމްރާން ހާން އާއި ދެކޮޅަށް ދައުވާއެއް ކޮށްފިއެވެ.
ސުދިރު ކުމާރު އޮޖާ ނަމަކަށް ކިޔާ ގާނޫނީ ވަކީލަކު، ބޮޑުވަޒީރު އިމްރާން ހާން އާއި ދެކޮޅަށް ކުރި ދައުވާ ހުށަހަޅާފައިވަނީ މުޒައްފަރްޕޫރުގައި ހުންނަ ޗީފް ޖުޑިޝަލް މެޖިސްޓްރޭޓް ކޯޓަށެވެ.
އޮޖާ ތުހުމަތުކޮށްފައިވަނީ ބޮޑުވަޒީރު އިމްރާން، ޔޫއެން ޖެނެރަލް އެސެމްބްލީ (ޔޫއެންޖީއޭ) ގައި ދެއްކެވި ވާހަކަފުޅުގައި، އިންޑިއާއާއި ދެކޮޅަށް ނިއުކްލިއަރ ހަނގުރާމައެއް ކުރައްވާނެ ކަމަށް ވިދާޅުވި ކަމަށް ބުނެއެވެ.
ޖައްމޫ އަދި ކަޝްމީރުގައި އަމިއްލަ މިނިވަންކަމެއް އޮތުމުގެ ގާނޫނު ކަމަށްވާ، "އާޓިކަލް 370" އުވާލުމާއި ގުޅޭގޮތުން ބޮޑުވަޒީރު އިމްރާން ހާން ދެއްކެވި ވާހަކަފުޅާއި ގުޅުވައިގެން، އޮޖާ ބުނެފައިވަނީ އެކަމުގެ ސަބަބުން އިތުރު ހަމަނުޖެހުންތަކަކަށް މަގުފަހިވެގެންދާނެ ކަމަށެވެ.
އޮޖާ ވަނީ އޭނާގެ ދައުވާއާއި ގުޅިގެން ބޮޑުވަޒީރު އިމްރާން ހާންއާއި ދެކޮޅަށް ފަސްޓް އިންފޮމޭޝަން ރިޕޯޓް (އެފްއާރްއައި) އެއް ތައްޔާރުކުރުމަށް ފުލުހުންގެ ކިބައިން އެދިފައެވެ.
