މާފަންނު ވެލި ދަނޑު ފުޓްސަލް ކުޅޭ ތަނެއް ގޮތުގައި ތަރައްގީ ކުރަނީ
14 ސެޕްޓެމްބަރު 2019 | ހޮނިހިރު 13:01ވެލި ދަނޑު ތަރައްގީ ކުރުމަށް ހަމަޖެހިފައިވަނީ ރަސްމީ ފުޓްސަލް ކުޅޭ ތަނެއްގެ ގޮތުގައި
ވެލި ދަނޑު
މި ސަރުކާރުން ވިސްނާފައި އޮތީ މާފަންނު ވިލީ ފުލުސް ކުރިމަތީގައި އޮންނަ ވެލި ދަނޑު ފުޓްސަލް ކުޅޭ ތަނެއްގެ ގޮތުގައި ތަރައްގީ ކުރުން ކަމަށް ޔޫތު މިނިސްޓަރ އަހުމަދު މަހްލޫފް ވިދާޅުވެއްޖެއެވެ.
އެމްއެންޔޫ އެސްޔޫ ފުޓްސަލް ފިއެސްޓާ ހުޅުވުމުގެ ރަސްމިއްޔާތުގައި ވާހަކަ ދައްކަވަމުން މިނިސްޓަރ މަހްލޫފް ވިދާޅުވީ، މާފަންނު ވެލި ދަނޑު ތަރައްގީ ކުރުމަށް ހަމަޖެހިފައިވަނީ ރަސްމީ ފުޓްސަލް ކުޅޭ ތަނެއްގެ ގޮތުގައި ކަމަށެވެ.
ވެލި ދަނޑުގައި ޓާފް އެޅުމަށް ގިނަ ބަޔަކު ގޮވާލަމުން ދިޔަ ދަނޑިވަޅެއްގައި މިނިސްޓަރ މަހްލޫފް ވިދާޅުވީ، އެތަނުގައި ޓާފް އެޅި ނަމަވެސް، ފުޓްސަލް ނުކުޅެވޭނެ ކަމަށާއި، އެއީ ކުޑަ ގޯލަށް ކުޅުން ފަދަ ކަމެއް ކަމަށެވެ.
ޔޫތު މިނިސްޓްރީގެ މެންޑޭޓް ތެރޭގައި ކުޅިވަރު ކުރިއަރުވައި، ކުޅިވަރުގެ ވަސީލަތްތަށް ތަރައްގީ ކުރުމަކީ ވަރަށް ބޮޑަށް ބާރު އަޅާފައި ހުރި ކަމެއް ކަމަށާއި، އެކަމާ ގުޅިގެން މިހާރު އުޅުއްވަންޖެހެނީ ގިނައިން ހޫނު ފެން ތެރޭގައި ކަމަށެވެ.
ޔޫތު މިނިސްޓްރީން ވަނީ ދާދިފަހުން ހަތް ރަށެއްގެ ފުޓުބޯޅަ ދަނޑުގައި ސަބް-ބޭސްގެ މަސައްކަތް ކުރުމަށް މޯލްޑިވްސް ޓަރާންސްޕޯޓް އެންޑް ކޮންޓްރެކްޓިން ކޮންޕެނީ (އެމްޓީސީސީ)އާ ހަވާލުކޮށްފައެވެ. އަދި މާލޭގެ ހެންވޭރު ދަނޑުގައި ޓާފު އަޅައިދޭނެ ބަޔަކު ހޯދުމަށްވަނީ އިއުލާންކޮށްފައެވެ.
