ޓޮންގާގެ ބޮޑުވަޒީރު އަވަހާރަވެއްޖެ

މުސުމީ ބަދަލުތަކަށް ވަކާލާތުކުރަމުން އައި ޓޮންގާގެ ޕްރައިމް މިނިސްޓަރ ޕޯހިވާ އުމުރުން 78 އަހަރުގައި އަވަހާރަވެއްޖެ އެވެ.

މީޑިއާ ރިޕޯޓުތައް ބުނާގޮތުން ޕޯހިވާ އަވަހާރަވީ ފުއްޕާމޭގެ ބައްޔަކަށް ނިއުޒިލޭންޑްގެ ހޮސްޕިޓަލެއްގައި ފަރުވާ ހޯއްދަވަމުންދަނިކޮށެވެ.

ޕޮހިވާއަކީ ޓޮންގާގެ މަޖިލީހުގައި އެންމެ ގިނަދުވަސް ވަންދެން މަސައްކަތް ކުރެއްވި ބޭފުޅާއެވެ. އެގޮތުން ޕޮހިވާ އެންމެ ފުރަތަމަ މަޖިލީހަށް ހޮވިފައިވަނީ 1987 ވަނަ އަހަރުގައެވެ.

ޕޮހިވާ މަޝްހޫރުވެފައިވަނީ ޓޮންގޭގެ ޑިމޮކްރަސީއަށާއި މޫސުމީ ބަދަލުތަކަށް ވަކާލާތު ކުރަމުން އައި ބޭފުޅެއްގެ ގޮތުގައެވެ.

ޕޮހިވާ އަވަހާރަވުމާއި ގުޅިގެން ގައުމުތަކުގެ އެންމެ އިސްބޭފުޅުން އަންނަނީ ތައުޒިޔާ ފޮނުވަމުންނެވެ. އެގޮތުން އޮސްޓްރޭލިއާގެ ޕްރައިމް މިނިސްޓަރ ވިދާޅުވީ ޕޮހިވާގެ އަވަހާރަވި ހަބަރު އަޑުއެހީ ފުންހިތާމައާއި އެކު ކަމަށާއި ޕޮހިވާ އަކީ ޖަޒީރާ ގައުމު ތަކުގެ ތިމާވެށީގެ ބައްޕަ ކަމަށެވެ.