އިންޑިއާގެ އެންވަޔަރަމަންޓް މިނިސްޓަރު އަނިލް މަދަވް ޑޭވް އަވަހާރަވެއްޖެއެވެ.
އުމުރުފުޅުން 60 އަހަރުފުޅުގައި އަވަހާރަވި ޑޭވް ވޭތުވެދިޔަ މަސްތަކުގައި އުޅުއްވީ އާލަސްކަންފުޅާއެވެ. ރިޕޯޓްތައް ބުނާ ގޮތުން މިއަދު ހެނދުނު އެމަނިކުފާނުގެ ހާލުކޮޅު ގޯސްވުމާގުޅިގެން ނިއު ދިއްލީގެ "ދަ އޯލް އިންޑިއާ އިންސްޓިޓިއުޓްސް އޮފް މެޑިކަލް ސައެންސަސް" އަށް ގެންދެވުނެވެ. އެމަނކުފާނު އަވަހާރަވީ އެތާ ފަރުވާ ދެއްވަމުން ގެންދަވަނިކޮށެވެ.
ދައުލަތުގެ އިސް ގިނަ ފަރާތްތަކުން ޑޭވް އަވަހާރަވުމާ ގުޅިގެން ތައުޒިޔާ ދަނީ ވިދާޅުވަމުންނެވެ. މިގޮތުން ބޮޑުވަޒީރު ނަރެންދްރަ މޯދީ ޓްވިޓާގައި ވިދާޅުވީ ރޭ ބުދަ ދުވަހުގެ ރޭ ވަރަށް ދަންވަންދެން، މޯދީ އާއެކު ބައްދަލުވުންތަކުގައި ޑޭވް ބައިވެރިވެވަޑައިގެންނެވި ކަމަށެވެ. މޯދީ ޑޭވް ސިފަ ކުރެއްވީ ވަރަށް "ކަމަށް ކަމޭހިތާ ޕަބްލިކް ސާވެންޓެއްގެ ގޮތުގައެވެ." މޯދީ އިތުރަށް ވިދާޅުވީ ޑޭވް އަވަހާރަވުމަކީ ލިބުނު ވަރަށް ބޮޑު ހިތާމައެއް ކަމަށާއި އެމަނިކުފާނަކީ ތިމާވެށި ހިމާޔަތް ކުރެއްވުމަށް ވަރަށް ޝައުގުވެރިވެވަޑައި ގެންނެވި ބޭފުޅެއް ކަމަށެވެ.
Absolutely shocked by the sudden demise of my friend & a very respected colleague, Environment Minister Anil Madhav Dave ji. My condolences.
— Narendra Modi (@narendramodi) May 18, 2017
Anil Madhav Dave ji will be remembered as a devoted public servant. He was tremendously passionate towards conserving the environment.
— Narendra Modi (@narendramodi) May 18, 2017
I was with Anil Madhav Dave ji till late last evening, discussing key policy issues. This demise is a personal loss.
— Narendra Modi (@narendramodi) May 18, 2017
ޖުލައި 6، 1956 ގައި އުފަންވި އަނިލް މަދަވް ޑޭވް އަކީ ސަރުކާރުގެ ގިނަ އިސް މަގާމުތަކެއް ފުރުއްވި ބޭފުޅެކެވެ. އޭގެތެރޭގައި ސްޓޭންޑިން ކޮމިޓީ އޮން އެންވަޔަރަމަންޓް އެންޑް ފޮރެސްޓް އެންޑް ސައިންސް އެންޑް ޓެކްނޮލޮޖީގެ މެމްބަރު ކަމާއި، ސްޓޭންޑިން ކޮމިޓީ އޮފް ވޯޓާ ރިސޯސަސް ގެ މެމްބަރު ކަމާއި، ނެހްރޫ ޔުވާ ކެންޑްރާ ސަންގަތަން ގެ މެމްބަރު ކަމާއި އަދި ވެސް ތަފާތު ގިނަ މާގާމުތަކެއް ފުރުއްވިއެވެ.
އަނިލް މަދަވް ޑޭވް އަކީ ތިމާވެއްޓާ ގުޅޭ ގިނަ ފޮތްތަކެއް ލިޔުއްވި ތިމާވެއްޓަށް ގިނަގުނަ ޚިދުމަތް ކުރެއްވި ބޭފުޅެކެވެ.
