ހޯމަ 25 ޖެނުއަރީ 2021
7 ހުވަން
1442 ޖުމާދުލް އާހިރަތު 11
ފަތިސް 05:04
އިރުއަރާ 06:18
މެންދުރު 12:22
އަސްރު 15:42
އިރުއޮއްސޭ 18:18
އިޝާ 19:33
މިސްރު

މިސްރުން މުސްލިމް ބްރަދަހޫޑްގެ 11 ލީޑަރުންނަށް އުމުރު ދުވަހުގެ ޖަލު ހުކުމެއް ކޮށްފި

  • ހުކުމް ކުރި މީހުންގެ ތެރޭގައި މުސްލިމް ބްރަދަރހޫޑްގެ ލީޑަރު މުހައްމަދު ބަދީއް ވެސް ހިމެނޭ
  • ފާއިތުވި ހަފްތާގެ ތެރޭގައި ވެސް މިސްރުގެ ކޯޓަކުން ވަނީ ބަދީއްގެ މައްޗަށް އުމުރު ދުވަހުގެ ޖަލުހުކުމެއް ކޮށްފަ
  • ފާއިތުވި ބުދަ ދުވަހު މިސްރުން ވަނީ މިސްރުގެ ކުރީގެ ރައީސް މުހައްމަދު މުރްސީގެ މައްޗަށް ކޮށްފައިވާ އުމުރު ދުވަހުގެ ޖަލު ހުކުމް ބާތިލްކޮށްފަ

ކ. މާލެ | 11 ސެޕްޓެންބަރ 2019 | ބުދަ 18:47 | 5,112

މިސްރުން ވަނީ މުސްލިމް ބްރަދަރހޫޑް އަކީ ޓެރަރިސްޓް ޖަމާއަތެއްކަމަށް ނިންމާ އެ ޖަމާއަތުގެ ހާހަކަށް ވުރެ ގިން މެންބަރުން ހައްޔަރުކޮށްފައެވެ. - އެރަބް ނިއުސް

މިސްރުގެ ކައިރޯގެ ކްރިމިނަލް ކޯޓުން މުސްލިމް ބްރަދަރހޫޑްގެ 11 ލީޑަރުން އުމުރަށް ޖަލަށް ލުމަށް ހުކުމް ކޮށްފިއެވެ.

ކައިރޯ ކްރިމިނަލް ކޯޓުން 11 މީހުންނަށް ހުކުމް ކުރީ ފަލަސްތީންގެ ހަމާސް ޖަމާއަތާ އެކު ޖާސޫސް ކުރުމުންނެވެ. އުމުރަށް ޖަލަށް ލުމަށް ހުކުމް ކުރި މީހުންގެ ތެރޭގައި މުސްލިމް ބްރަދަރހޫޑްގެ ލީޑަރު މުހައްމަދު ބަދީއް ވެސް ހިމެނެއެވެ. މިއީ ބަދީއް އުމުރަށް ޖަލަށް ލުމަށް މިސްރުން ކުރަމުން އަންނަ ހުކުމް ތަކުގެ ތެރެއިން އެންމެ ފަހުގެ ހުކުމެވެ. ފާއިތުވި ހަފްތާގެ ތެރޭގައި ވެސް މިސްރުގެ ކޯޓަކުން ވަނީ ބަދީއްގެ މައްޗަށް އުމުރު ދުވަހުގެ ޖަލުހުކުމެއް ކޮށްފައެވެ.

ފާއިތުވި ބުދަ ދުވަހު މިސްރުން ވަނީ މިސްރުގެ ކުރީގެ ރައީސް މުހައްމަދު މުރްސީގެ މައްޗަށް ކޮށްފައިވާ އުމުރު ދުވަހުގެ ޖަލު ހުކުމް ބާތިލްކޮށްފައެވެ. މުސްލިމް ބްރަދަރހޫޑްގެ އިސްދައުރެއް އަދާކުރި މުސްރީ އަކީ މިސްރުގެ ފުރަތަމަ އިންތިހާބީ ރައީސް އެވެ. މިސްރުގެ އަސްކަރިއްޔާއިން 2013 ވަނަ އަހަރު މުސްރީގެ ވެރިކަން ވައްޓާލައި އޭނަށް ހުކުމް ކޮށްފައިވެއެވެ. މުސްރީ ނިޔާވީ ކޯޓު އަޑުއެހުމަކަށް ހާޒިރުވެހުއްޓާ ކޮލަޕްސްވެގެންނެވެ.

މިސްރުން ވަނީ މުސްލިމް ބްރަދަރހޫޑް އަކީ ޓެރަރިސްޓް ޖަމާއަތެއްކަމަށް ނިންމާ އެ ޖަމާއަތުގެ ހާހަކަށް ވުރެ ގިނަ މެންބަރުން ހައްޔަރުކޮށްފައެވެ.

އެންމެ ފަހުން އަޕްޑޭޓް ކުރީ: 3 ހަފްތާ ކުރިން | ރިވިއު ކުރީ: އަބުދުﷲ ނަސީރު އިބްރާހިމް

މި ލިޔުން ކިޔާލުމުން

ޚަބަރެއް ނުވަތަ މައުލޫމާތެއް ރާއްޖެއެމްވީ އަށް ދެއްވުމަށް [email protected] އަށް އީމެއިލް ކުރައްވާ ނުވަތަ 3007773 ނަންބަރަށް ގުޅުއްވާ.