މާޒިޔާއާ ދެކޮޅަށް ގްރީން ސްޓްރީޓުން ކުޅުނު މެޗުގައި ކުޅުންތެރިންގެ ފަރާތުން ފެނުނު ހިތްވަރު ފެނިފައި ކުރިއަށް ހުރި މެޗުތަކާ މެދު ކުރެވޭ އުއްމީދު ބޮޑުވެއްޖެ ކަމަށް އެޓީމުގެ ކޯޗު މުޙައްމަދު ސޮބާހް ( ސޮބާ) ބުނެފިއެވެ.

ބުރާސްފަތި ދުވަހުގެ ރޭ އެސްޓީއޯ މާލޭގައި ލީގުގައި މާޒިޔާ އަތުން ގްރީން ސްޓްރީޓް ބަލިވީ 0-3 އިންނެވެ.

މެޗަށްފަހު ނޫސްވެރިންނާއި ވާހަކަ ދައްކަމުން ސޮބާ ބުނީ ގައުމީ ޓީމުގެ އަށެއްކަ ކުޅުންތެރިންނާއި ރަނގަޅު ބިދޭސީ ކުޅުންތެރިންނާ އެކު ސީޒަނަށް އެންމެ ރަނގަޅަށް ތައްޔާރުވި މާޒިޔާއާ ދެކޮޅަށް ގްރީން ސްޓްރީޓުން ވަރަށް ރަނގަޅަށް ކުޅެފައިވާ ކަމަށެވެ.

ސޮބާ ބުނީ ޓީމުގައި ހިމެނޭ މުހިތްމު ދެ ކުޅުންތެރިއަކު ނެތި، ގްރީން ސްޓްރީޓުން ކުރި ހިތްވަރު ފެނިފައިވާ ކުރިއަށްހުރި މެޗުތަކާއިމެދު އޭނާ ކުރާ އުއްމީދު ބޮޑުވެއްޖެ ކަމަށެވެ.

"އެންމެ ރަނގަޅަށް ތައްޔާރުވި ޓީމާ މި ކުޅުނީ، މުހިއްމު ދެ ކުޅުންތެރިން ނުލައި ކުރި ހިތްވަރު ފެނިއްޖެ، މާޒިޔާ އިން ޕެނަލްޓީ އަކާއި ފްރީ ކިކަކުން ދެ ލަނޑު ޖެހުމުން މެޗު އަހަރެމެން އަތުން ގޮއްސި" ސޮބާ ބުންޏެވެ.

ސޮބާ ބުނި ގޮތުގައި މާޒިޔާފަދަ ޓީމަކާއި ދެކޮޅަށްކުޅެ ލީގުގައި ފުރަތަމަ ފަހަރަށް ބަލިވިޔަސް އެއީ މާ ބޮޑު މާޔޫސްކަމެއް ނޫނެވެ.

ގްރީން ސްޓްރީޓުން މިއަށްވުރެން ރަނގަޅަށް ކުޅެގެން މޮޅުވެގެން ފައިބާނެ މެޗުތައް އަދި އަންނާނެ ކަމަށާއި އެ ޔަގީންކަން މާޒިޔާގެ މެޗުން ފެނިއްޖެ ކަމަށް ސޮބާ ބުންޏެވެ.

ސޮބާ ބުނީ ޓީމުގެ ކުޅުންތެރީން ދެއްކި ކުޅުމާ މެދު ހިތްހަމަޖެހޭކަމަށާއި ނަމަވެސް އުންމީދުކުރީ 3-0 ގެ ނަތީޖާއެއް ނޫންކަމަށެވެ.

މުޅި މެޗުގައިވެސް ގްރީން ސްޓްރީޓަށް މާޒިޔާ ނުހިފެހެއްޓިގެން ނުދާ ކަމަށް ސޮބާ ބުންޏެވެ. ގްރީން ސްޓްރީޓުގެ ޓާގެޓަކީ އެޓީމާ ސްޓްރީޓަށް ކާމިޔާބު ހޯދޭނެ ވަރުގެ ޓީމުތަކުގެ އަތުން ކާމިޔާބީ ހޯދުންކަމަށް ސޮބާ ބުންޏެވެ.

ސޮބާ ބުނި ގޮތުގައި ގްރީން ސްޓްރީޓްގައި މިވަގުތު އޮތް ސްކޮޑާއެކު ހުރިހާ މެޗަކުން މޮޅުނުވެދާނެއެވެ.

"ޕާފޯމަންސް މިވަރަށް އިނދެއްޖެއްޔާ ގްރީން ސްޓްރީޓް މޮޅުވާނެ މެޗުތަކެއް އަންނާނެ، ޑިސަޕޮއިންޓެއް ނުވޭ ނަތިޖާއާމެދު، ކުޅުންތެރިންތިބީ ވަރަށް ޕޮޒިޓިވްކޮށް" ސޮބާ ބުންޏެވެ.