ކ. މާލެ
|
30 ޖެނުއަރީ 2017 | ހޯމަ 19:28
މިދިއަ ސީޒަންގެ މެޗަކަށް ނުކުތުމުގެ ކުރިން ޔޫވީގެ ކުޅުންތެރިން ވޯމްއަޕްކުރަނީ ފޮޓޯއަކަށް ހުއްޓިގެން:_ފޮޓޯ ޔޫވީ
މިދިއަ ސީޒަންގެ މެޗަކަށް ނުކުތުމުގެ ކުރިން ޔޫވީގެ ކުޅުންތެރިން ވޯމްއަޕްކުރަނީ ފޮޓޯއަކަށް ހުއްޓިގެން:_ފޮޓޯ ޔޫވީ
ގޫގުލް
ޔުނައިޓެޑް ވިކްޓަރީ
މަޤާމު ދިފާއުކުރުމުގެ އުއްމީދުގައި ޔުނިޓެޑް ވިކްޓަރީން މިއަދު ޕްރެކްޓިސް ފަށަނީ
 
އަމާޒަކީ މިދިއަ އަހަރުގެ މަޤާމު ދިފާޢުކުރުން
 
މާލީ ގޮތުން ގޮންޖެހުންތަކެއް ހުރި

ރާއްޖޭގެ ބޮޑެތި ކްލަބުތައް ފަހަތަށް ޖައްސާލުމަށް ފަހު ނިމިގެންދިޔަ އުރީދޫ ދިވެހި ޕްރެމިއަރލީގުގެ ހަތަރު ވަނަ ހޯދި ޔުނައިޓެޑް ވިކްޓަރީ (ޔޫވީ)ގެ ފަރިތަކުކުރުންތައް ހޯމަ ދުވަހު (މިއަދު) ފަށާނެ ކަމަށް އެކުލަބުން ބުނެފިއެވެ.

 

ރާއްޖެއެމްވީއާ ވާހަކަ ދައްކަވަމުން ޔޫވީގެ ޖެނެރަލް ސެކްރެޓަރީ އިސްމާއީލް ޝަފީޢު (އިއްސެ) ބުނީ މިފަހަރުގެ ސީޒަނަށް ތައްޔާރުވުމުގެ ގޮތުން ޕްރެކްޓިސް ފެށުން ލަސްވީ މާލީ ގޮތުންނާއި އެނޫން ވެސް ސަބަބުތަކެއް ދިމާވުމުން ކަމަށެވެ.

 

ޔޫވީގެ ފަރިތަކުރުންތައް ފަށާއިރު، އެޓީމާއި ގުޅުމަށް ބޭނުންވާ ކުޅުންތެރިންނަށް ޓްރައިލްއެއް ބާއްވާނެ ކަމަށް އިއްސެ ބުންޏެވެ. އާކުޅުންތެރިންނަށް ފުރުސަތު ހުޅުވާލާފައި ވިޔަސް އާސީޒަނަށް ޓީމް އެކުލަވާލުމަށް ކުރަންޖެހޭ މަސައްކަތުގެ ބޮޑުބައެއް ނިމިފައިވާ ކަމަށް އިއްސެ ބުންޏެވެ.

 

އެގޮތުން ކިރިގިސްތާން ގައުމީ ޓީމްގެ ކުރީގެ ކީޕަރެއް ކަމަށްވާ ރުސްލާން އަމެރޯވް އާ އެނޫންވެސް ބިދޭސީ އިތުރު ކުޅުންތެރިން ފެނިގެންދާނެ ކަމަށް އިއްސެ ބުނެއެވެ.

 

މީގެ އިތުރުން މިދިއަ ސީޒަނުގައި ޔޫވީއަށް ކުޅުނު ކުޅުންތެރިންގެ ތެރެއިން ކްލަބު ދޫކޮށް ގޮސްފައިވަނީ އެންމެ 2 ކުޅުންތެރިން ކަމަށް އެކުލަބުން ބުނެއެވެ.

 

ސީޒަނަށް ތައްޔާރުވުމުގެ ގޮތުން ޔޫވީ ފިޔަވައި އެހެން ޓީމުތަކުން މިހާރު ވަނީ ފަރިތަކުރުންތައް ފަށާފައެވެ.

 

ޔޫވީން ފަރިތަކުރުންތައް މިއަދު ފަށާއިރު، ކޯޗެއްގެ ގޮތުގައި އެކްލަބާއެކު މަސައްކަތްކުރަނީ މިދިއަ ސީޒަންގައި ވެސް އެކްލަބަށް ކޯޗުކޮށްދިން އަހުމަދު އާތިފް (އާތީ)އެވެ.

 

މުޅިން އަލަށް ފުރަތަމަ ޑިވިޒަނަށް ކޮލިފައިވި ޔޫވީން ވަނީ އުރީދޫ ދިވެހި ލީގުގައި ރާއްޖޭގެ ބޯޑެތި ކްލަބުތައް ކަމަށްވާ ނިއުރޭޑިއަންޓް، ވެލެންސިއާ އަދި ވިކްޓްރީ ފަހަތަށް ޖައްސާލުމަށް ފަހު ލީގުގެ ހަތަރުވަނަ ހޯދާފައެވެ.

 

Advertisement
އެންމެ ފަހުން އަޕްޑޭޓް ކުރީ: 2 ދުވަަސް ކުރިން
ރިވިއު ކުރީ: އަލީ ޔޫސުފް
0%
0%
0%
0%
0%
0%
ކޮމެންޓް
ގުޅުންހުރި