އުފަން ދުވަސް ފާހަގަ ކުރަން ނޭހާ ރާއްޖޭގައި
25 އޯގަސްޓު 2019 | އާދީއްތަ 11:58ޗުއްޓީ ހޭދަކުރަމުންދަނީ ސެންތާރަ ރިސޯޓްގައި
ނޭހާ ފިރިމީހާ އަންގަދުއާ އެކު
ބޮލިވުޑްގެ ތަރި ނޭހާ ދުޕިއާގެ އުފަން ދުވަސް ފާހަގަ ކުރަން އޭނާގެ ފިރިމީހާ އަންގަދު ބޭދީއާއެކު ރާއްޖޭގައި ޗުއްޓީ ހޭދަކުރަމުން އެބަދެއެވެ.
އުފަން ދުވަސް ފާހަގަކުރުމަށް ދެމަފިރިން ރާއްޖެ އައިސްފައިވަނީ ހުކުރު ދުވަހުއެވެ. ނޭހާއަށް 39 އަހަރު ފުރެނީ މި މަހުގެ 27 ވަނަ ދުވަހުއެވެ. ރާއްޖެ އައުމަށް ފަހު އޭނާ ވަނީ ޓީއެމްއޭގެ ސީޕްލޭނެއް ކައިރީ ނަގާފައިވާ ފޮޓޯއެއް އިންސްޓަގްރާމް ކޮށްފައެވެ. ނޭހާ އާއި އަންގަދު ޗުއްޓީ ހޭދަކުރަމުންދަނީ ސެންތާރާ ގްރޭންޑް ރިސޯޓްގައެވެ.
ހިންދީ ސީރީސް ކަރަން ކަޔަން ތަރަން އިން މަޝްހޫރުކަން ހޯދީ އަންގަދުއާ ނޭހާ ކައިވެނި ކޮށްފައިވަނީ ނިމިގެން ދިޔަ އަހަރު މޭމަހުގު ދިހަ ވަނަ ދުވަހުއެވެ. އެ ކައިވެންޏަށް އަންހެން ދަރިއަކު ވަނީ ލިބިފައެވެ.
ބޮލީވުޑް ގިނަ ފިލްމުތަކެއް ކުޅެފައިވާ ނޭހާ އާއްމުންގެ މަގުބޫލުކަން ހޯދީ 2004 ވަަނަ އަހަރު ނެރުު ގަޔާމަތް ފިލްމުންނެވެ. އެ ފިލްމުން އޭނާ ވަނީ އެންމެ މޮޅު އަންހެން ބަތަލާގެ އެވޯޑްވެސް ހޯދާފައެވެ. ނޭހާ އެންމެ ފަހުން ފެނިގެން ގޮސްފައިވަނީ މިދިޔަ އަހަރު ނެރުނު ހެލިކޮޕްޓަރި އީލާއިންނެވެ.
