ހިލޭ އުމްރާ ދަތުރެއް ހޯދުމުގެ ފުރުސަތު ފަރީ ހައްޖު އެންޑް އުމްރާ ގުރޫޕުން ހުޅުވާލައިފި!

ރާއްޖޭގައި އިތުބާރާއެކު އުމްރާ ދަތުރުތައް އިންތިޒާމުކުރަމުން އަންނަ ފަރީ ހައްޖު އެންޑް އުމްރާ ގްރޫޕުން ފުވައްމުލައް ސިޓީ އަދި ގދ. ފިޔޯރީގައި ޚާއްސަ އުމްރާ ޕްރޮމޯޝަން އިވެންޓުތަކެއް ބޭއްވުމަށް ނިންމައިފި އެވެ. މި އިވެންޓުތަކުގައި ބައިވެރިވާ ފަރާތްތަކަށް ހިލޭ އުމްރާ ދަތުރެއް ހޯދުމުގެ އަގުހުރި ފުރުސަތު ލިބިގެންދާނެ އެވެ.

ފަރީ ހައްޖު އެންޑް އުމްރާ ގްރޫޕް. ސެޕްޓެމްބަރ 2026 އުމްރާ ދަތުރުގެ ތެރެއިން | ފަރީ ޚައްޖު އެންޑް ޢުމްރާ ގްރޫޕް

ފަރީ ހައްޖު އެންޑް އުމްރާ ގްރޫޕުން މައުލޫމާތު ދޭ ގޮތުގައި ފުވައްމުލަކުގައި ބާއްވާ ޕްރޮމޯޝަން ހަރަކާތް އޮންނާނީ 2026 އޮކްޓޫބަރު 2 ވާ ހުކުރު ދުވަހުގެ ރޭ 8:00 ގައި އެ ރަށު ކަނދޮވަލި އަތިރީގަ އެވެ. މި އިވެންޓަށް ޒިޔާރަތްކުރާ ފަރާތްތަކުގެ މެދުގައި ނެގޭ ޚާއްސަ ގުރުއަތުން 1 ވަނައަށް ހޮވޭ ފަރާތަކަށް ހިލޭ އުމްރާ ދަތުރެއް ލިބޭއިރު 2 ވަނައަށް ހޮވޭ ފަރާތަކަށް އުމްރާ ދަތުރުން 50 އިންސައްތަ ޑިސްކައުންޓެއް ލިބިގެންދާނެ އެވެ. މީގެ އިތުރުން ވެސް ގިނަ އިނާމުތަކެއް މި އިވެންޓުގައި ދިނުމަށް ވަނީ ހަމަޖެހިފަ އެވެ.

ފަރީ ހައްޖު އެންޑް އުމްރާ ގްރޫޕުން ޠާއިފް އަށްކުރިދަތުރުގެ ތެރެއިން، ސުލްހު ހުދައިބިއްޔާއަށް ކުރި ޒިޔާރަތް | ފަރީ ޚައްޖު އެންޑް ޢުމްރާ ގްރޫޕް

ގދ. ފިޔޯރީގައި ބާއްވާ ހަރަކާތް ކުރިއަށްދާނީ 2026 އޮކްޓޫބަރު 3 ވާ ހޮނިހިރު ދުވަހުގެ ހަވީރު 4:00 ގައި އެ ރަށު ޔޫތު ސެންޓަރުގައެވެ. އާއިލީ ހަވީރުގެ ނަމުގައި ކުރިއަށްގެންދާ މި އިވެންޓަކީ ފިޔޯރީ އެސޯސިއޭޝަން ފޯރ ކޮމިއުނިޓީ އެމްޕަވަރމެންޓާއި ފަރީ ހައްޖު އެންޑް އުމްރާ ގްރޫޕް ގުޅިގެން އިންތިޒާމުކުރާ އިވެންޓެކެވެ. މި ހަވީރަށް ޒިޔާރަތްކުރާ ފަރާތްތަކުގެ ތެރެއިން ވެސް ގުރުއަތުން ހޮވޭ 1 ވަނަ ފަރާތަކަށް ހިލޭ އުމްރާ ދަތުރެއް އަދި 2 ވަނަ ފަރާތަކަށް 50 އިންސައްތަ ޑިސްކައުންޓް ލިބޭނެ އެވެ.

އާއިލީ ހަވީރަށް ޒިޔާރަތްކުރާ ކުޑަކުދިންނަށް ޚާއްސަ ހަދިޔާތަކާއި އިތުރު އިނާމުތައް ވެސް ދިނުމަށް ވަނީ ހަމަޖެހިފަ އެވެ. މި ދެ އިވެންޓް ކުރިއަށްދާ ވަގުތުތަކުގައި އުމްރާއަށް ރަޖިސްޓްރީވުމުގެ ފުރުސަތާއި އުމްރާ ދަތުރުތަކާ ގުޅޭ ފުރިހަމަ މައުލޫމާތު ދިނުން އަދި އަގުހުރި އިނާމުތަކުގެ ގުރުއަތު ނެގުން ކުރިއަށްދާނެ އެވެ.

ފަރީ ހައްޖު އެންޑް އުމްރާ ގްރޫޕުން ޠާއިފް އަށްކުރިދަތުރުގެ ތެރެއިން، ސުލްހު ހުދައިބިއްޔާއަށް ކުރި ޒިޔާރަތް | ފަރީ ޚައްޖު އެންޑް ޢުމްރާ ގްރޫޕް

މި ޕްރޮމޯޝަންގެ ދަށުން އުމްރާއަށް ރަޖިސްޓްރީވާ ފަރާތްތަކަށް 26،990 ރުފިޔާގެ ވަރަށް ޚާއްސަ އަގުތަކެއް ހަމަޖެހިގެންދާނެ ކަމަށް އެ ގްރޫޕުން މައުލޫމާތުދެ އެވެ.

ފަރީ އުމްރާ ގްރޫޕަކީ ގިނަ ދުވަސްތަކެއް ވަންދެން އުމްރާއަށް މީހުން ގެންދިޔުމުގެ ފުޅާ ތަޖުރިބާ ލިބިފައިވާ އަދި އާންމުންގެ ބޮޑު އިތުބާރަކާއި ލޯތްބެއް ހޯދާފައިވާ ގްރޫޕެކެވެ. އެ ގްރޫޕުން އާންމު ގޮތެއްގައި ކޮންމެ އަހަރަކު ވެސް 5 އުމްރާ ދަތުރު ކާމިޔާބުކަމާއެކު އިންތިޒާމުކޮށް ކުރިއަށްގެންދެ އެވެ. މި ދެ އިވެންޓަކީ އުމްރާއަށް ދިއުމަށް ބޭނުންވާ ފަރާތްތަކަށް ވަރަށް ބޮޑު ފުރުސަތަކަށް ވާނެ ކަމަށް އެ ގްރޫޕުން ބުނެ އެވެ.