ޒީޓީވީން ގެނެސްދޭ ޑްރާމާ ސީރީސް "ޖަމާއި ރާޖާ"ގެ ބަތަލާ ނިއާ ޝަރުމާ (ރޯޝްނީ) ޗުއްޓީ ހޭދަކުރުމަށް ރާއްޖެ އަތުވެއްޖެ އެވެ.
ނިއާ ޗުއްޓީ ހޭދަކުރަމުން ދަނީ ކ. އަތޮޅު އަދާރަން ޕްރިސްޓިޖް ވާދޫ ރިސޯޓްގަ އެވެ.
ނިއާ ވަނީ އޭނާ ރާއްޖޭގައި ނަގާފައިވާ ފޮޓޯތައް އިންސްޓަގްރާމް ކޮށްފައެވެ. އަދި އޭނާ ވަނީ ރާއްޖޭގެ ރީތި ކަމަށް ތައުރީފް ކޮށްފައެވެ.
މިމަހުގެ 19 ވަނަ ދުވަހު ނިއާ ރާއްޖެ އައިސްފައިވާއިރު އޭނާ ރާއްޖޭގައި މަޑު ކުރާނީ ކިތައް ދުވަސް ކަމެއް ހާމަކޮށްފައެއް ނުވެއެވެ.
ނިއާ އެންމެ ފަހުން ފެނިފައިވަނީ ޒީޓީވީން ގެނެސްދިން "ޖަމާއީ ރާޖާ" ގައި ރޯޝަނީ ގެ ރޯލުންނެވެ.
ނިއާ ދެން ފެނިގެންދާނީ މިހިނގާ މާރޗް މަހުގެ 30 ވަނަ ދުވަހު ފެށުމަށް ހަމަޖެހިފައިވާ ޓްވިސްޓެޑް ނަމަކަށް ކިޔާ ސީރީސްއަކުންނެވެ.
ނިއާ ފުރަތަމަ ފެނިފައިވަނީ ހިންދީ ސީރީސް "ކާލީ- އެކް އަގްނީ ޕަރިކްޝާ"އިންނެވެ. އަދި އޭގެ ފަހުން އޭނާ ފެނިގެން ގޮސްފައިވަނީ ސްޓާ ޕްލަސް އިން ދެއްކި "އެކް ހަޒާރޯމޭ މޭރީ ބެހެނާ" އިން މާންވީގެ ރޯލުނެވެ.
ރާއްޖެއެމްވީއަށް އެނގިފައިވާ ގޮތުގައި ނިޔާ ރާއްޖޭގައި ހޭދަކުރާ ދުވަސްތަކުގައި ރާއްޖޭގެ ޓޫރިޒަމް އިންޑިއާގައި އިސްތިހާރުކުރުމަށް ހާއްސަ ވީޑިއޯއެއް ހެދުމަށް ވަނީ ނިންމައިފަ އެވެ.
