ރާއްޖެއަށް ނިސްބަތްވާ މޮޑެލްއެއް އެމެރިކާގެ ބިލްބޯޑެއްގައި!
20 އަހަރުގެ އަމިނަތު ސަނާ އަޒީމްގެ މަންމަ އަކީ ދިވެއްސެއް، އަދި ބައްޕަ އަކީ ޖެމެއިކަން އެމެރިކަން އެއް
ރާއްޖެއަށް ނިސްބަތްވާ މޮޑެލްއެއް އެމެރިކާގެ ބިލްބޯޑެއްގައި
އެމެރިކާގެ ނިއު ޔޯކް ސިޓީގެ މެންހަޓަންގައި ހަރު ކުރި ބިލްބޯޑެއްގައި ފުރަތަމަ ފަހަރަށް ދިވެހި ކުއްޖެއް ފެނިލައިފިއެވެ.
ނޯޑްސްޓްރޮމްގެ ފޯލް 2019 ގެ ކެމްޕޭންގައި ފެންނަ ތިން އަންހެން ކުދިންގެ ތެރެއިން އެކަކީ ދިވެހިރާއްޖެއަށް ނިސްބަތްވާ، 20 އަހަރުގެ އާމިނަތު ސަނާ އަޒީމްއެވެ.
ދިވެހި މަންމައަކާއި ޖެމެއިކަން-އެމެރިކަން ބައްޕައެއްގެ ހުންނަ ސަނާ މޮޑެލިން ދާއިރާގައި މަސައްކަތް ކުރާތާ އަހަރުތަކެއް ވެފައިވާއިރު، އޭނާ ވަނީ ބޭރު އަދި ދިވެހި ބްރޭންޑްތައް މޮޑެލް ކޮށްފައެވެ.
އޭގެ ތެރޭގައި، ފޭޑަރ، ޖީކިއު މެގަޒިން، ރިފައިނަރީ 29 އާއި ކޮކާ ކޯލާގެ އެމެރިކާގެ އިޝްތިހާރެއް ހިމެނެއެވެ. އަދި ސަނާ މޮޑެލް ކޮށްފައިވާ ދިވެހި ބްރޭންޑްތަކުގެ ތެރޭގައި ޓޮޑީ އާއި ގްލޭމް ސްޓޫޑިއޯ ހިމެނެއެވެ.
މި ދާއިރާގައި ސަނާގެ ކުރިއަށް ހުރި މަސައްކަތުގެ ތެރޭގައި އެޑިޑާސްއާއި ކެޑިލެކް ހިމެނެއެވެ.
މިއީ ބޭރުގެ ބިލްބޯޑެއްގައި ދިވެހި މޮޑެލްއެއް ފެންނަ ފުރަތަމަ ފަހަރުގެ އިތުރުން މިއީ އެމެރިކާ މިފަދަ ބްރޭންޑެއް ދިވެހި ކުއްޖެއް މޮޑެލް ކުރި ފުރަތަމަ ފަހަރަށްވާއިރު، ބޭރު މަގަޒިންއެއްގެ ކަވަރއިން ފެނުނު ފުރަތަމަ ދިވެހި ކުއްޖަކީ ރައުދާ އާތިފްއެވެ.
