އެމެރިކާގެ ކުރީގެ ރައީސް ބުޝް 93 ވަނަ އުފަންދުވަސް ފާހަގަ ކުރައްވަނީ
ބުޝް އެމެރިކާގެ ރައީސްކަން ކުރައްވާފައިވަނީ 1989 އިން 1993 އަށް
ޖޯޖް އެޗް ޑަބްލިއު ބުޝް
އެމެރިކާގެ 41 ވަނަ ރައީސް ޖޯޖް އެޗް ޑަބްލިޔު ބުޝްއަށް 93 އަހަރުފުޅު ފުރުން ފާހަގަކުރައްވަމުން އެބަގެންދަވައެވެ. ބުޝް އުފަންވެވަޑައިގެންފައިވަނީ 1924 ވަނަ އަހަރުގައެވެ.
ބުޝްއަށް 93 އަހަރުފުޅު ފުރިފައިވާއިރު ދާދިފަހުން ވަނީ އޭނާގެ އަނބިކަނބަލުން ބާބަރާ ބުޝްއަށް 92 އަހަރު ފުރުންވެސް ފާހަގަ ކުރައްވާފައެވެ. އެއީ މިމަހުގެ 8 ވަނަ ދުވަހުގައެވެ. ބުޝް އެމެރިކާގެ ރައީސްކަން ކުރައްވާފައިވަނީ 1989 އިން 1993 އަށެވެ.
ބުޝްގެ ދަރިކަލުން ޖޯޖް ޑަބްލިއު ބުޝްއަކީވެސް އެމެރިކާގެ ކުރީގެ ރައީސްކަން ކުރެއްވި ބޭފުޅެކެވެ. އެމެރިކާގެ ރައީސްކަން ކުރެއްވި ބޭފުޅުންގެ ތެރެއިން ބުޝްއަކީ މިވަގުތު ދުނިޔޭގައި ހުންނެވި އެންމެ ދުވަސްވީ ރައީސެވެ.
އެމެރިކާގެ ނިއުޔޯކްގައި މިހާތަނަށް ސްކައި ޑައިވް ކޮށްފައިވާ އެންމެ އުމުރުން ދުވަސްވީ ރައީސަކީވެސް އެމަނިކުފާނެވެ. އެމަނިކުފާނުގެ 90 ވަނަ އުފަންދުވަސް ފާހަގަ ކުރެއްވުމަށް ވަނީ ވައިކުޑައެއް އަޅައިގެން 60،000 ފޫޓުގެ އުސްމިނެއްގައި ހުރި ހެލިކޮޕްޓަރަކުން ފުންމަވާލައްވާފައެވެ.
އެހެން ނަމަވެސް މިފަހަރު މާބޮޑުކޮށް އުފަންދުވަސް ފާހަގަ ނުކުރައްވާކމަށާއި އުފަންދުވަސް ފާހަގަކުރެއްވީ އާއިލާއާއާއި އެކީގައި ކަމަށް ޚަބަރުތައް ބުނެއެވެ.
