ބްރިޓިޝް ވޯގް މެގަޒިންގެ ކަވަރުގައި ފުރަތަމަ ފަހަރަށް ބުރުގާ އެޅި މޮޑެލްއެއް

ބްރިޓިޝް ވޯގްގެ މެގަޒިންގެ ކަވަރުގައި ފުރަތަމަ ފަހަރަށް ބުރުގާ އެޅި މޮޑެލްއެއް ފުރަތަމަ ފަހަރަށް ފީޗާ ކޮށްފިއެވެ.

މިއީ 102 އަހަރުވީ ބްރިޓިޝް ވޯގް މެގަޒިންގެ ކަވަރ އިން ފުރަތަމަ ފަހަރަށް ބުރުގާ އެޅި މީހަކަށް ޖާގަ ލިބުނު ފުރަތަމަ ފަހަރެވެ.

ވޯގް ކަވަރ އިން ޖާގަ ލިބުނު މޮޑެލްއަކީ ހަލީމާ އަދަން ކިޔާ މޮޑެލްއެކެވެ. އޭނާގެ އުމުރަކީ 20 އަހަރެވެ.

ފެޝަން ނިއު ފްރޮންޓިއާސްގެ ނަމުގައި ނެރުނު އިޝޫގައި ބުރުގާ އެޅި މޮޑެލްގެ އިތުރުން ފެނިގެންދަނީ އިތުރު އަށް މޮޑެލުންނެވެ.

ބްރިޓިޝް ވޯގް މަޖައްލާ ވުޖޫދަށް އައިސްފައި ވަނީ 1916 ވަނަ އަހަރުއެވެ. އޭރުއްސުރެ މިދިޔަ އަހަރާ ހަމައަށް ޗީފް އެޑިޓަރުގެ މަގާމު ފުރަމުން ގެންދިޔައީ އަންހެނުންނެވެ.

ވޯގް މަޖައްލާގެ ޔޫކޭ އެޑިޝަންގެ ޗީފް އެޑިޓަރުގެ މަގާމަށް ފުރަތަމަ ފަހަރަށް ފިރިހެނަކު އައްޔަންކޮށްފައި ވަނީ މިދިޔަ އަހަރުއެވެ. އެއީ އެޑްވާޑް އެނިންފުލްއެވެ.