72 މިލިއަން ޕައުންޑަށް ލިލްގެ ކުޅަދާނަ ވިންގަރު ޕެޕޭ އާސެނަލްއަށް
27 ޖުލައި 2019 | ހޮނިހިރު 19:08އާސެނަލްއިން ޓްރާންސްފަރ ފީ ދައްކަނީ ބައިބަޔަށް ބަހާލައިގެން
ލިލްއަށް ކުޅެމުންދިޔަ ވިންގަރ ނިކޮލަސް ޕެޕޭ
ފަރަންސޭސްވިލާތުގެ ލިލްއަށް ކުޅެމުން އަންނަ އައިވަރީ ކޯސްޓުގެ ކުޅަދާނަ ވިންގަރ ނިކޮލަސް ޕެޕޭ، 72 މިލިއަން ޑޮލަރުގެ އެއްބަސްވުމެއްގެ ދަށުން އާސެނަލްއަށް ބަދަލުވެއްޖެއެވެ.
އާސެނަލްއިން ޕެޕޭ ގަނެފައިވާ އިރު، ޓްރާންސްފަރ ފީގެ ފައިސާ ދެއްކުމަށް ހަމަޖެހިފައިވަނީ އިންސްޓޯލްމަންޓްތަކަކަށް ބަހާލައިގެންނެވެ. ކްލަބާއެކު އެއްބަސްވުމަކަށް އާދެވުނު ނަމަވެސް، އަދި ޕެޕޭއާ އެކު އެއްބަސްވުމަކަށް ނާދެވޭކަމަށް މީޑިއާތަކުން ރިޕޯޓްކޮށްފައިވެއެވެ.
އިޓަލީގެ ނަޕޯލީއިން ވެސް މި އަގުގައި ޕެޕޭ ގަންނަން އެއްބަސްވީ ކަމުގައިވީ ނަމަވެސް، އެ ޓްރާންސްފަރ ފެއިލްވީ ކުޅުންތެރިޔާއާ އެކު އެއްބަސްވުމަކަށް ނާދެވުމުންނެވެ.
މިދިޔަ ސީޒަންގެ ތެރޭގައި އޭނާވަނީ ލިލްއަށް 23 ގޯލު ޖަހައިދީފައެވެ. އުމުރުން އެންމެ 24 އަހަރުގެ ޒުވާން ކުޅުންތެރިޔާ ހޯދަން ގިނަ ކްލަބްތަކަކުން މަސައްކަތް ކޮށްފައިވެއެވެ.
މިދިޔަ މަހުގެ ތެރޭގައި އާސެނަލްއިން، ކްރިސްޓަލް ޕެލެސްއަށް ކުޅުމުން އަންނަ ވިލްފްރެޑް ޒަހާ ގަންނަން 40 މިލިއަން ޕައުންޑް ހުށައެޅުމަށް ފަހު އެ މަސައްކަތް ހުއްޓާލީ، 80 މިލިއަން ޕައުންޑް ހުށައެޅުމަށް ޑިމާންޑް ކުރުމުންނެވެ.
