ފިލިޕީންސްއަށް އައި ބާރުގަދަ ބިންހެލުމެއްގައި 5 މީހުން މަރުވެއްޖެ
27 ޖުލައި 2019 | ހޮނިހިރު 03:37ހޮނިހިރު ދުވަހު އައި ބާރުގަދަ ދެ ބިންހެލުމުގައި ފަސް މީހުން މަރުވެ 12 މީހުންނަށް އެކިވަރުގެ ޒަހަމްތައް ވަނީ ލިބިފަ
އާކިޕެލެގޯ އޮފް ބަޓާންސްގެ ލުޒޯން އައިލެންޑްސް އަށް ހޮނިހިރު ދުވަހު އައި ބާރުގަދަ ދެ ބިންހެލުމުގައި ގެއްލުންވެފައިވާ ގެޔެއް
ފިލިޕީންސްގެ އިރުމަތިން އާކިޕެލެގޯ އޮފް ބަޓާންސްގެ ލުޒޯން އައިލެންޑްސް އަށް ހޮނިހިރު ދުވަހު އައި ބާރުގަދަ ދެ ބިންހެލުމުގައި ފަސް މީހުން މަރުވެ 12 މީހުންނަށް އެކިވަރުގެ ޒަހަމްތައް ލިބިއްޖެއެވެ.
ބަޓާންސްގެ ގަވަރުނަރު މަރިލޯ ކޭކޯ މީޑިއާއަށް މައުލޫމާތުދެމުން ބުނީ ފުރަތަމަ އައި 5.4 މެގްނިޓިއުޑްގެ ބިންހެލުމުގައި ފަސްމީހުން މަރުވެ 12 މީހުންނަށް އަނިޔާވިކަމުގެ ރިޕޯޓް ލިބިފައިވާ ކަމަށެވެ.
ފުރަތަމަ އައި ބިންހެލުން އައިސްފައިވަނީ ހޮނިހިރު ދުވަހުގެ ފަތިހު 4.16 ހާއިރު 12 ކިލޯމީޓަރުގެ އަޑިންނެވެ. 6.4 މެގްނިޓިއުޑްގެ ބާރުގަދަ ދެވަނަ ބިންހެލުން އައިސްފައިވަނީ ހޮނިހިރު ދުވަހުގެ ހެނދުނު 7.38 ގައެވެ.
މި ބިންހެލުމުގެ ސަބަބުން ތާރީހީ ފައްޅިއެއްގެ އިތުރުން ގިނަ ގޭގެޔަށް ވަނީ އެކިވަރުގެ ގެއްލުން ލިބިފައިއެވެ.
