ކ. މާލެ
|
20 ޖުލައި 2019 | ހޮނިހިރު 19:52
އެހީފޯރުކޮށްދިނުމުގެ މަސައްކަތް މެދުކެނޑުމެއްނެތިދަނީ ކުރަމުން ކަމަށް އިންޑިއާގެ ސަރަހައްދީ ސަރުކާރުތަކުން ބުނޭ
އެހީފޯރުކޮށްދިނުމުގެ މަސައްކަތް މެދުކެނޑުމެއްނެތިދަނީ ކުރަމުން ކަމަށް އިންޑިއާގެ ސަރަހައްދީ ސަރުކާރުތަކުން ބުނޭ
އޭއެފްޕީ
އިންޑިއާއަށް ކުރަމުންދާ ވިއްސާރަ
މޫސުމީ ވިއްސާރައިގައި ފެންބޮޑުވެ އިންޑިއާއިން މަރުވި މީހުންގެ އަދަދު އިތުރުވެއްޖެ
 
އެންމެ ގިނަ ބަޔަކު މަރުވެފައިވަނީ ބިހާރު ސްޓޭޓުން

އިންޑިއާއަށް ކުރަމުންދާ މޫސުމީ ވިއްސާރައިގައި އެ ގައުމުން މަރުވި މީހުންގެ އަދަދު މަދުވެގެން 142 އަށް އަރާފައިވާ ކަމަށް ޑިޒާސްޓަރ މެނޭޖްމަންޓް ޑިޕާޓްމަންޓުން ބުނެފިއެވެ.

މި މަހުގެ ކުރީ ކޮޅުން ފެށިގެން އެ ގައުމަށް ކުރަމުންދާ މޫސުމީ ވިއްސާރައިގައި އެކިކަންކޮޅުތަކުގައި ފެންބޮޑުވެ ބިންގަޑުކަނޑައިގެންދިއުމުގެ ހާދިސާތަކާ ގުޅިގެން އެތައް ހާސްބަޔަކަށް ވަނީ ގެދޮރު ދޫކޮށް ދާންޖެހިފައެވެ.

ބިހާރު ސްޓޭޓްގެ ޑިޒާސްޓަރ މެނޭޖްމަންޓް ޑިޕާޓްމަންޓުގެ އޮފިޝަލަކު އަލްޖަޒީރާގައި ބުނެފައިވަނީ ހުކުރު ދުވަހުގެ ނިޔަލަށް އެ ސްޓޭޓުން މަރުވި މީހުންގެ އަދަދު 92 އަށް އަރާ ކަމަށެވެ.

އޭނާ ވިދާޅުވި ގޮތުގައި މީހުން ސަލާމަތްކުރުމުގެ މަސައްކަތާއި ހާލުގައި ޖެހިފައިވާ ފަރާތްތަކަށް އެހީފޯރުކޮށްދިނުމުގެ މަސައްކަތް މެދުކެނޑުމެއްނެތި ދަނީ ކުރަމުންނެވެ.

އެންސެފަލިޓިސް ޖެހިގެން 150 ކުދިން މިދިޔަ މަހު ވެސް މަރުވި، އިންޑިއާގެ އެންމެ ފަގީރު ސްޓޭޓް ކަމަށްވާ ބިހާރުގެ 12 ޑިސްޓްރިކްޓަކުން ހަ މިލިއަނަށް ވުރެ ގިނަ މީހުންނަށްވަނީ ފެންބޮޑުވުމުގެ އަސަރުކޮށްފައެވެ.

އިންޑިއާގެ އިތުރުން އަވަށްޓެރި ނޭޕާލަށްވެސްވަނީ މޫސުމީ ވިއްސާރައިގެ ފެންބޮޑުވުމާ ކުރިމަތިވެފައެވެ.

ބިހާރު ސްޓޭޓްގެ 114،721 މީހުންނަށް މިހާތަނަށް ވަނީ އެ ސްޓޭޓްގެ އެކި ހިސާބުތަކުގައި ސަރުކާރުން ގާއިމްކޮށްފައިވާ ވަގުތީ ހިޔާތަކުން ބޯހިޔާވަހިކަން ހޯދަންޖެހިފައެވެ.

އައްސާމް ސްޓޭޓުން މަރުވި މީހުންގެ އަދަދުވަނީ 50 އަށް އަރާފައެވެ.

އިންޑިއާގެ ސަރުކާރުން ވަނީ ހާލުގައި ޖެހިފައިވާ އާއިލާތަކަށް މާލީ އެހީތެރިކަން ވެސް ފޯރުކޮށްދޭން ފަށާފައެވެ.

ބިހާރު ސްޓޭޓްގެ ޗީފް މިނިސްޓަރ ނިތިޝް ކުމާރު ވަނީ ހާލުގައި ޖެހިފައިވާ އާއިލާތަކަށް އެހީވުމަށް 26 މިލިއަން އެމެރިކާ ޑޮލަރު ކަނޑައަޅުއްވައި ކޮންމެ އާއިލާއަކަށް 6,000 ރުޕީސް(87އެމެރިކާ ޑޮލަރު)ގެ މަގުން ބެހުމަށް ފައްޓަވާފައެވެ.

އެންމެ ފަހުން އަޕްޑޭޓް ކުރީ: 4 ހަފްތާ ކުރިން
ރިވިއު ކުރީ: ހުޝާމް މުހަޢްމަދް
0%
0%
100%
0%
0%
0%
ކޮމެންޓް