ނައިބް ރައީސް ފުވައްމުލަކު ސިޓީ ކަައުންސިލާއި ބައްދަލުކުރައްވައިފި
14 ޖުލައި 2019 | އާދީއްތަ 07:39މި ބައްދަލުކުރެއްވުން އޮތީ ފުވައްމުލަކު ސިޓީ ކައުންސިލް އިދާރާގައި
ނައިބް ރައީސް ފައިސަލް ނަސީމް (މ) ފުވައްމުލަކު ކައުންސިލާއި ބައްދަލުކުރައްވަނީ
ރައީސުލްޖުމްހޫރިއްޔާގެ ނައިބު ފައިސަލް ނަސީމް ފުވައްމުލަކު ސިޓީކައުންސިލާ ބައްދަލު ކުރެއްވައިފިއެވެ.
މި ބައްދަލުކުރެއްވުން އޮތީ ފުވައްމުލަކު ސިޓީ ކައުންސިލް އިދާރާގައެވެ.
ނައިބް ރައީސް ފުވައްމުލަކަށް ކުރައްވާ ޒިޔާރަތުގައި ކައުންސިލާއި ބައްދަލުކޮށް ސިޓީގެ ހާލަތު ވަނީ އޮޅުން ފިލުއްވާފައެވެ. މީގެ އިތުރުން ފުވައްމުލަކު ސިޓީގެ މަގުހެދުމުގެ މަޝްރޫއު ކުރިޔަށްދާ ގޮތް އެ މަނިކުފާނު ބެއްލެވުމަށް ވަނީ ހަމަޖެހިފައެވެ.
ނައިބް ރައީސްގެ މި ދަތުރުފުޅަކީ އައްޑޫ ސިޓީ އާއި ފުވައްމުލަކު ސިޓީގައި ސަރުކާރުން ކުރިޔަށްގެންދާ ތަރައްގީގެ މަޝްރޫއުތައް ބައްލަވާލެއްވުމަށް ކުރައްވަމުން ގެންދަވާ ދަތުރުފުޅެކެއެވެ.
އެ މަނިކުފާނުގެ މިދަތުރުފުޅުގައި ހޮނިހިރު ދުވަހު އައްޑޫސިޓީގެ ހުޅުމީދޫގެ މަގުހަދާ ސަރަހައްދާއި އައްޑޫ ކޮންވެންޝަން ސެންޓަރުގައި ގާއިމްކުރުމަށް ހަމަޖެހިފައިވާ އާ ހޮސްޕިޓަލުގެ އިތުރުން އައްޑޫ ނަރުދަމާނިޒާމް ގާއިމު ކުރުމުގެ މަސައްކަތް ކުރިއަށްދާ ގޮތް ވަނީ ބައްލަވާލައްވާފައެވެ.
ނައިބު ރައީސްގެ މި ދަތުރުފުޅުގައި ހެލްތު މިނިސްޓަރު އަބްދުﷲ އަމީނާއި އެންވަޔަރުމަންޓު މިނިސްޓަރު ޑރ. ހުސައިން ރަޝީދު ހުސައިން ވެސް ބައިވެރިވެވަޑައިގަންނަވައެވެ.
