ހޯމަ 16 ޑިސެންބަރު 2019
07 މުލަ
1441 ރަބީޢުލްއާޚިރު 19
ފަތިސް 04:46
އިރުއަރާ 06:03
މެންދުރު 12:05
އަސްރު 15:26
މަޣްރިބް 18:00
އިޝާ 19:17
ކުޅިވަރު - ނޭމާ - ޒަވީ

ބާސާއަށް ނޭމާ ގެނައުމަކީ ފަސޭހަކަމެއް ނޫން: ޒަވީ

  • ޒަވީއާއެކު ނޭމާ ވަނީ ބާސާއަށް ކުރިން ކުޅެފައި

ލީވާން އަލީ
MrLeevaan

ކ. މާލެ 12 ޖުލައި 2019 | ހުކުރު 09:47 9,453

ޒަވީ (ކ) އަދި ނޭމާ (ވ) - ގެޓީ އިމޭޖާސް

ފަސޭހަކަމެއް ނޫން ކަމަށް ބާސާގެ ކުރީގެ މިޑްފިލްޑަރު ޒަވީ ހެނާންޑޭޒް ބުނެފިއެވެ.

ނޭމާއާއެކު ކުރިން ބާސާއަށް ކުޅެފައިވާ ޒަވީ ބުނީ، ބާސާއަށް އަނބުރާ ނޭމާ ގެނެވިއްޖެއްޔާ ކްލަބް ވަރުގަދަވާނެ ކަމަށާއި، ނަމަވެސް އެކަން ހަގީގަތަކަށް ހަދަން ވަރަށް އުނދާގޫވާނެ ކަމަށެވެ.

ޒަވީ ބުނީ، ޝައްކެތްވެސް ނެތް ގޮތުގައި ދުނިޔޭގެ އެންމެ މޮޅު ކުޅުންތެރިން ތެރޭގައި ނޭމާ ގުނާލެވޭ ކަމަށާއި، ނޭމާގެ ޓްރާންސްފާ ކަންތަކާ ބާސާއަށްއިން އަމަލު ކުރާނެ ގޮތެއް ބަލަމުން އަންނަ ކަމަށެވެ.

މީގެއިތުރުން ޒަވީ ބުނީ، މީގެކުރިންވެސް ހީނުކުރާ ގިނަ ކަންކަން ލޯ ކުރިމަތިން ފެނިފައިވާ ކަމަށާއި، އޭގެ ތެރޭގައި ޕީއެސްޖީން 222 މިލިއަން ޔޫރޯ ދިނުމަށްފަހު ނޭމާ ހޯދުންވެސް ހިމެނޭ ކަމަށެވެ.

ބްރެޒިލްގެ ސަންޓޯސްގައި ކާމިޔާބު ދުވަސްތަކެއް ހޭދަކުރުމަށް ފަހު ނޭމާ ބާސާއަށް ބަދަލުވީ 2013 ވަނަ އަހަރެވެ. އެގޮތުން އޭނާ ވަނީ އެޓީމަށް ކުޅުނު 186 މެޗުގައި 105 ލަނޑު ކާމިޔާބުކޮށް އެޓީމާއެކު ސްޕެނިޝް ލީގު ދެފަހަރު، ކޮޕާ ޑެލްރޭ ދެފަހަރު، ސްޕެނިޝް ސުޕަރކަޕް ޔުއެފާ ޗެމްޕިއަންސް ލީގު އަދި ފީފާ ކްލަބް ވޯލްޑް ކަޕް ވެސް ކާމިޔާބު ކޮށްފައެވެ.

ނޭމާ އަންނަނީ ޕީއެސްޖީއަށް ބަދަލުވެ، އެ ކްލަބުގައި މޮޅު ކުޅުމެއް ދައްކަމުންނެވެ. އެގޮތުން އޭނާ ވަނީ އެ ކްލަބަށް މިހާތަނަށް ކުޅުނު 58 މެޗުގައި 51 ލަނޑު ކާމިޔާބު ކޮށްފައެވެ.

ބްރެޒިލް ގައުމީ ޓީމާއެކު އޮލިމްޕިކްސް ރަން މެޑަލް މިދިޔަ އަހަރު ކާމިޔާބުކުރި ނޭމާ ވަނީ ގައުމީ ޓީމަށް ކުޅުނު 97 މެޗުގައި 60 ލަނޑު ކާމިޔާބު ކޮށްފައެވެ.

މީގެ އިތުރުން އޭނާ ވަނީ ފީފާ ކޮންފެޑެރޭޝަންސް ކަޕް 2013 ވަނަ އަހަރު އަދި ސައުތު އެމެރިކަން ޔޫތް ޗެމްޕިއަންޝިޕް 2011 ވަނަ އަހަރު ބްރެޒިލްއާއެކު ކާމިޔާބު ކޮށްފައެވެ.

އެންމެ ފަހުން އަޕްޑޭޓް ކުރީ: 5 މަސް ކުރިން | ރިވިއު ކުރީ: އަބުދުﷲ ނަސީރު އިބްރާހިމް

މި ލިޔުން ކިޔާލުމުން

ޚަބަރެއް ނުވަތަ މައުލޫމާތެއް ރާއްޖެއެމްވީ އަށް ދެއްވުމަށް [email protected] އަށް އީމެއިލް ކުރައްވާ ނުވަތަ 3007773 ނަންބަރަށް ގުޅުއްވާ.

ކޮމެންޓް