ވިމަން އެމްޕަވަމަންޓް ކޮންފަރަންސްގެ މީޑިއާ ޕާޓްނަރަކަށް ރާއްޖެޓީވީ
1 ޖުލައި 2019 | ހޯމަ 14:14މި ކޮންފަރެންސް ބޭއްވުމަށް ހަމަޖެހިފައިވަނީ ޖުލައި މަހުގެ 22 ވަނަ ދުވަހުން ފެށިގެން 23 ވަނަ ދުވަހަށް
ސޮއިކުރުމުގެ ރަސްމިއްޔާތުގެ ތެރެއިން
ވިމަން އެމްޕަވަމަންޓް ކޮންފަރަންސްގެ މީޑިއާ ޕާޓްނަރަކަށް ރާއްޖެޓީވީ ހަމަޖައްސައިފިއެވެ.
މި ކޮންފަރެންސް ބޭއްވުމަށް ހަމަޖެހިފައިވަނީ ޖުލައި މަހުގެ 22 ވަނަ ދުވަހުން ފެށިގެން 23 ވަނަ ދުވަހަށް ކުރުނބާ މޯލްޑިވްސްގައެވެ.
މި ކޮންފަރެންސްގެ މީޑިއާ ޕާޓްނަރަކަށް ހަމަޖެއްސުމަށްޓަކައި ބޭއްވި ރަސްމިއްޔާތުގައި ރާއްޖެޓީވީގެ ފަރާތުން ސޮއިކުރެއްވީ ރާއްޖެޓީވީގެ އެކްޓިންގ ސީއީއޯ ނާޒްމީ ސައީދު އަދި ވިމަން އޮންބޯޑްސްގެ ފަރާތުން ސޮއިކުރެއްވީ ޑެޕިއުޓީ ސެކެޓްރީ ޖެނެރަލް ޒުލޭހާ ފަހީމްއެވެ.
މި ކޮންފަރެންސް ކުރިއަށް ގެންދަނީ ވިމަން އޮން ބޯޑްސް އާއި ހޯޕް ފޯ ވިމަން އަދި ޔުނިސެފް އިންޓަރނޭޝަނަލް ވިމަން އެންޓަޕްރޮނަރޝިޕް އިވެންސް ގުޅިގެންނެވެ.
ސޮއިކުރުމުގެ ރަސްމިއްޔާތުގައި ވާހަކަ ދައްކަވަމުން ނާޒްމީ ވިދާޅުވީ މި މުޖުތަމައުގައި އަންހެނުންގެ ދައުރު ފުޅާކޮށް އަންހެނުން ބާރުވެރި ކުރުވުމަށްޓަކައި ބާއްވާ ކޮންފަރަންސްތަކަކީ ރާއްޖެޓީވީން ވަރަށް ތަރުހީބުދޭ ކަމެއް ކަމަށާއި މި ކޮންފަރެންސްގެ ސަބަބުން މުޖުތަމައުއަށް ހެޔޮ ބަދަލުތަކެއް އަންނާނެ ކަމަށް އުންމީދު ކުރައްވާ ކަމަށެވެ.
މިއީ ރާއްޖޭގައި މި ކޮންފަރެންސް ބާއްވާ ފުރަތަމަ ފަހަރެވެ.
