މޯލްޑިވްސް މީޑިއާ ކައުންސިލް (އެމްއެމްސީ) ގެ ހުސްވެފައިވާ ގޮނޑި އަށް ރާއްޖެޓީވީގެ ނިއުސް ޑިރެކްޓަރު އަލީ ޔޫސުފް ބޮޑު ތަފާތަކުން އިންތިހާބު ކޮށްފި އެވެ.

މީޑިއާ ކައުންސިލްގެ ގޮނޑިއެއް ހުސްވީ އަވަސް އޮންލައިންގެ ފަރާތުން ކައުންސިލުގައި ހުންނެވި މުހައްމަދު އަފްޒަލް އާމިރު (އަޕޯ) އިސްތިއުފާ ދެއްވުމުންނެވެ. އޭނާ އިސްތިއުފާ ދެއްވީ މީޑިއާ ދާއިރާގައި މިހާރު ހަރަކާތްތެރިކޮށް ނޫޅުއްވޭތީ އެވެ.

ހޮނިހިރު ދުވަހު ބޭއްވި އިންތިހާބު އަލީ ޔޫސުފް ކާމިޔާބު ކުރެއްވީ ޗެނަލް 13 ގެ ފަރާތުން އިންތިހާބުގައި ވާދަކުރެއްވި މުހައްމަދު ނިޔާޒުއާ ވާދަކުރައްވައި 66 ވޯޓް ހޯއްދަވައިގެންނެވެ. ނިޔާޒު އަށް ލިބިވަޑައިގަތީ 32 ވޯޓެވެ.

އިންތިހާބުގައި ވޯޓް ލުމަށް ރަޖިސްޓްރީ ކޮށްފައިވަނީ ޖުމްލަ 109 މީޑިއާ އިންނެވެ. ވޯޓް ލާފައިވަނީ 98 މީޑިއާއަކުންނެވެ. އަލީ ޔޫސުފް އިންތިހާބު ކާމިޔާބު ކުރެއްވީ 67 އިންސައްތަ ވޯޓް ކާމިޔާބު ކުރައްވައިގެންެވެ.

ޖުމްލަ 15 މެންބަރުން ތިއްބަވާ މީޑިއާ ކައުންސިލްގެ އާންމު އިންތިހާބު ބާއްވާފައިވަނީ މިދިޔަ ޑިސެމްބަރު މަހުގެ ތެރޭގަ އެވެ. މިހާރު މީޑިއާ ކައުންސިލްގައި އެކުލަވާލެވިފައިވަނީ ރާއްޖެޓީވީ އާއި، ވީއެފްޕީ، ބަހުރު މަޖައްލާ، ސަން މީޑިއާ، ވީމީޑިއާ، ޕީއެސްއެމް އަދި މިހާރު ނޫހުގެ އިތުރުން އަސްދަނޑި މަޖައްލާގެ މައްޗަށެވެ. މީޑިއާތަކުގެ އަށް މެންބަރުންެ އިތުރުން އަމިއްލަ ގޮތުން އިންތިހާބުގެ ވެފައިވާ ހަތް މެންބަރުން ވެސް ތިއްބަވާނެ އެވެ.