އީޕީއޭ ފުރަތަމަ ފަހަރަށް މަޖިލީހުގެ ކޮމިޓީއަށް ހާޒިރު ކުރަނީ
24 ޖޫން 2019 | ހޯމަ 04:52ކޮމެޓީ އޮތީ 2:30 ގައި
އެންވަޔަރަމަންޓް ޕްރޮޓެކްޝަން އެޖެންސީ (އީޕީއޭ) ރައްޔިތުން މަޖިލީހުގެ އެންވަޔަރަންމަންޓް އެންޑް ކްލައިމެޓް ޗޭންޖް ކޮމިޓީއަށް ހާޒިރު ކުރުމަށް ނިންމައިފިއެވެ.
ހޯމަ ދުވަހުގެ މެންދުރު ފަހު 2:30ގައި އީޕީއޭ ކޮމެޓީއަށް ހާޒިރު ކުރާ މިއީ ފުރަތަމަ ފަހަރުކަން ފާހަގަކޮށްލެވެއެވެ.
އެންވަޔަރަންމަންޓް އެންޑް ކްލައިމެޓް ޗޭންޖް ކޮމިޓީގެ މުގައްރިރު އަހްމަދު ސަލީމް ވިދާޅުވީ ރުށްގަސް ކަނޑާ މައްސަލައަކީ ބޮޑު މައްސަލައެއް ކަމަށާއި، މިމައްސަލާއާ ބެހޭ ގޮތުން އީޕީއޭގެ އިސްވެރިންނާ ސުވާލުކުރާނެ ކަމަށެވެ.
އީޕީއޭގެ މެމްބަރުން ކޮމެޓީއަށް ހާޒިރުކުރުމުގެ މައިގަނޑު ސަބަބަކީ މިމައްސަލާގައި އަޅަމުންދާ ފިޔަވަޅަކީ ކޮބައިތޯ ބެލުން ކަމަށް މެމްބަރު ސަލީމް ވިދާޅުވިއެވެ.
ތިމާވެށި ހިމާޔަތްކުރުމުގެ މަސައްކަތްކުރުމަށްޓަކައި އީޕިއޭ އުފެއްދީ ރައީސް މުހައްމަދު ނަޝީދުގެ ވެރިކަމުގައި، 2008 ވަނަ އަހަރުގެ ޑިސެމްބަރު މަހުގެ އެވެ.
އީޕީއޭގެ ޒިންމާދާރު ވެރިޔާ އިބްރާހިމް ނައީމް ވިދާޅުވި، އެ އޮފީހުގެ މަސައްކަތްތަކާއި ތިމާވެއްޓާ ގުޅޭ ކަންކަން ތަންފީޒުކުރުމުގެ މަސައްކަތް ކުރިއަށް ގެންދާ ގޮތް ބެލުމަށްޓަކައި މަޖިލީހަށް ހާޒިރުކުރުމަކީ އުފާކުރާ ކަމެއް ކަމަށެވެ.
"އަޅުގަނޑުމެން ޒިންމާދާރުކުރުމުގެ މަސައްކަތް ދައުލަތުގެ އެހެން މުއައްސަސާތަކުން ކުރުމަކީ އެކަމަށް މަރުހަބާ ކިޔާ ކަމެއް. މިއީ އަލަށް އަޅުގަނޑުމެން މަޖިލީހަށް ހާޒިރުކުރާ ފަހަރު،" ނައީމް ވިދާޅުވި އެވެ.
ރާއްޖޭގެ އެކި ރަށްރަށުން ރުއް ގަސް ނެގުމަކީ ރައްޔިތުން ވަރަށް ކަންބޮޑުވުން ފާޅުކުރަމުންދާ މައްސަލައެކެވެ. ރަށްރަށުން ރުއް ގަސް ނަގައިގެން ރިސޯޓުތަކަށާއި، ރާއްޖޭން ބޭރުގެ ގައުމުތަކަށް އަގު ބޮޑުކޮށް ދަނީ ވިއްކަމުންނެވެ.
