ފިލްމް ލަގާން އަކީ ހަނދާނުން ފޮހެލަން ދަތި ތަޖުރިބާއެއް ކަމަށް އާމިރްހާން ބުނެފިއެވެ.
ލަގާން ފިލްމް އިންޑިއާ ސިނާމަތަކުގައި އެޅުވިތާ 18 އަހަރު ފުރުމާއި ގުޅިގެން އާމިރުހާން ކުރި ޓިވީޓެއްގައި ބުނީ ލަގާން ފިލްމްގެ ދަތުރަކީ ހަނދާނުން ފޮހެލަންދަތި އުފާވެރި ތަޖުރިބާއެއް ކުރެވުނު ދުވަސްވަރެއް ކަމަށެވެ.
މި ފިލްމްގެ ލީޑްރޯލުން އާމިރުހާން ފެނިފައިވަނީ ދަނޑުވެރިއެއްގެ ރޯލުންނެވެ. މި ފިލްމުން އިނގިރޭސިންނާއި އިންޑިއާ އާއިދެމެދު ހިނގާ ހަމަނުޖެހުމުގެ ގިނަ ހާދިސާތަކެއް ފެނިގެންދެއެވެ.
މި ފިލްމްއަށް ގިނަ އެވޯޑްތަކެއް ލިބިފައިވާއިރު މި ފިލްމްއަށް އިންޓަރނޭޝަނަލް ފިލްމް ފެސްޓިވަލްގައި ވެސް ވަނީ އެވޯޑުތަކެއް ލިބިފައެވެ.
ލަގާން އާމިރުހާން ޕްރޮޑިއުސްކޮށްފައިވާއިރު މި ފިލްމުގެ ބަޖެޓަށް ޖުމްލަ 250 މިލިއަން އިންޑިއަން ރުޕީސް ވަނީ ހަރަދުކޮށްފައެވެ.
މި ފިލްމް ރިލީޒްކޮށްފައިވަނީ 2001 ވަނަ އަހަރުގެ ޖޫން 15 ވަނަ ދުވަހުއެވެ.
