ޖެކޮލިންގެ ފުރަތަމަ ހޮލީވުޑް ފިލްމް އޮގަސްޓް މަހު ރިލީޒް ކުރަނީ
މި ފިލްމުގެ ޓްރެއިލާވެސް ބެލުންތެރިންނަށް މިހާރު ވަނީ ދައްކާލާފަ
ޖެކޮލިން ފެނާންޑެޒް
"ހައުސްފުލް 2" އާއި "ރޭސް2" ފަދަ ކާމިޔާބު ފިލްމުތައް ކުޅެފައިވާ ސްރީ ލަންކާއަށް އުފަން ބޮލީވުޑް އެކްޓްރެސް ޖެކޮލިން ފެނާންޑޭޒްގެ ފުރަތަމަ ހޮލީވުޑް ފިލްމް މިއަހަރުގެ އޮގަސްޓް މަހުގެ 25 ވަނަ ދުވަހު ރިލީޒް ކުރުމަށް ހަމަޖައްސައިފިއެވެ.
އިގިރޭސި ފިލްމް އުފައްދާ ޖޭމްސް މިމްޕްސަން ލިޔެ ޑައިރެކްޓް ކޮށްފައިވާ " ޑެފިނީޝަން އޮފް ފިއާ" މި ފިލްމަކީ ޗުއްޓީ ހޭދަކޮށްލުމަށް ނިކުންނަ ޒުވާން ހަތަރު އަންހެންކުއްޖަކަށް ދިމާވާ ބިރުވެރި ހަދިސާތަކެއްގެ މައްޗަށް ބިނާކޮށް ތައްޔާރުކޮށްފައިވާ ފިލްމުކެވެ.
މި ފިލްމްވަނީ 2015 ވަނަ އަހަރު ދިއްލީގައި ބޭއްވި ހަތަރުވަނަ ދިއްލީ އިންޓަނޭޝަނަލް ފިލްމް ފެސްޓީވަލްގައި ދައްކާލާފައެވެ.
ސާރާ ފޯޑިންގެ ނަމުގައި އަކުން ޖެކޮލިން ފެނިގެން ދާ މިފލްމުގެ ތަރިންގެ ތެރޭގައި ހިމެނެނީ ކެތެރިން ބްރެލް، މާސިޑީޒް ޕަޕާލިއާ އަދި ބްލައިތް ހަބަޑް އެވެ.
ޔުނިވާސަލް ސްޓޫޑިއޯ އިން ޑިސްޓްރިބިއުޓްކުރާ މި ފިލްމުގެ ޓްރެއިލާވެސް ބެލުންތެރިންނަށް މިހާރު ވަނީ ދައްކާލާފައެވެ.
ހޮލީވުޑްގެ ފިލްމެއް ޖެކޮލިން ކުޅޭފައިވާއިރު އޭނާގެ އިތުރުން ބޮލީވުޑް ސްޓާރުން ކަމަށްވާ ޕްރިޔާންކާ ޗޯޕްޅާ އާއި ދީޕިކާ ޕްދުކޯން އަދި ނަރުގިސް ފަހުރީ ވެސް ވަނީ ހޮލީވުޑް ފިލްމުތައް ކުޅެން ފަށާފައެވެ.
