ރިޒާ މެމްބަރުކަމުގެ ހުވައި ކުރައްވައިފި
10 ޖޫން 2019 | ހޯމަ 06:24ރިޒާ މެމްބަރު ކަމުގެ ހުވާ ކުރެއްވުން ލަސްވެފައިވަނީ އުމްރާ ދަތުރުފުޅެއްގައި ހުންނެވުމުގެ ސަބަބުން
ގުރައިދޫ ދާއިރާގެ މެމްބަރު އިބްރާޙިމް ރިޒާ
ގުރައިދޫ ދާއިރާގެ މެމްބަރު އިބްރާހިމް ރިޒާ މެމްބަރުކަމުގެ ހުވާކުރައްވައިފިއެވެ.
ރިޒާ ހުވައިކުރެއްވުމުގެ ރަސްމިއްޔާތު އޮތީ މަޖިލިސް އިދާރާގައެވެ.
މި ރަސްމިއްޔާތުގައި މަޖިލީހުގެ ރައީސް މުހައްމަދު ނަޝީދު ވަނީ ބައިވެރިވެ ވަޑައިގެންފައެވެ. މެމްބަރަށް ހުވާލައިދެއްވީ އުއްތަމަ ފަނޑިޔާރު އަހްމަދު އަބްދުﷲ ދީދީއެވެ.
ގުރަދޫ ދާއިރާގެ މެމްބަރު ހުވާކުރެއްވުން ލަސްވެފައިވަނީ، މެމްބަރުން ހުވާކުރެއްވުމަށް ބޭއްވި ރަސްމިއްޔާތު އޮތް ދުވަހު އުމްރާ ދަތުރުފުޅެއްގައި މައްކާގައި ހުންނެވުމުގެ ސަބަބުންނެވެ.
މިހާރު ހިނގަމުންދާ 19 ވަނަ ރައްޔިތުންގެ މަޖިލީހުގެ މެމްބަރުން ހުވާކުރެއްވި ރަސްމިއްޔާތު މަޖިލީހުގެ އިދާރާގައި ބާއްވާފައި ވަނީ މޭ މަހުގެ 28 ވަނަ ދުވަހުގެ ރެއެވެ. ނިމިދިޔަ މަޖިލީހުގައި ވެސް ގުރައިދޫގެ ގޮނޑި ތަމްސީލްކުރެއްވި ރިޒާއަކީ އިދިކޮޅު ޕީޕީއެމްގެ މެމްބަރެކެވެ. އަދި ކުރިން ޖުޑިޝަލް ސާވިސް ކޮމިޝަނަށް މަޖިލީހުން ކަނޑައެޅުއްވި މެމްބަރެވެ.
