ޖުމްހޫރީ ޕާޓީގެ ޕީޖީ ލީޑަރަކަށް ޤާސިމް، ނައިބް ލީޑަރަކަށް ނާޒިމް
29 މެއި 2019 | ބުދަ 18:50ޖުމްހޫރީ ޕާޓީގެ ޕާލިމެންޓްރީ ގުރޫޕްގައި ތިއްބަވާނީ ޖުމްލަ 5 މެމްބަރުން
ޖުމްހޫރީ ޕާޓީގެ ލީޑަރު ޤާސިމް އިބްރާހިމް
ޖުމްހޫރީ ޕާޓީގެ ޕާލިމެންޓްރީ ގުރޫޕްގެ ލީޑަރަކަށް ޤާސިމް އިބްރާހިމް ހަމަޖައްސަވައިފި އެވެ.
ޖުމްހޫރީ ޕާޓީގެ ޕާލިމެންޓްރީ ގުރޫޕްގައި ތިއްބަވާނީ ޖުމްލަ 5 މެމްބަރުންނެވެ.
އެ ޕާޓީން ބުނީ ޕާޓީގެ ޕީޖީ ލީޑަރަކަށް ޤާސިމް ހަމަޖެއްސިއިރު، ޕާޓީގެ ޕީޖީގެ ނައިބް ލީޑަރަކަށް ދަނގެތި ދާއިރާގެ މެމްބަރު މުހައްމަދު ނާޒިމް ހަމަޖައްސާފައިވާ ކަމަށެވެ.
18 ވަނަ ރައްޔިތުންގެ މަޖިލީހުގެ އެންމެ ފަހު ދައުރުގެ މަސައްކަތްތައް ކުރިއަށްދިޔައިރު އެ ޕާޓީގެ ޕީޖީ ލީޑަރަކަށް ހުންނެވީ އެ މަޖިލީހުގެ ކިނބިދޫ ދާއިރާގެ މެމްބަރު އަބްދުﷲ ރިޔާޒް އެވެ. ރިޔާޒް 19 ވަނަ ރައްޔިތުންގެ މަޖިލީހަށް އިންތިހާބުވީ ތިމަރަފުށި ދާއިރާއަށެވެ.
ޤާސިމް އިބްރާހިމް 19 ވަނަ ރައްޔިތުންގެ މަޖިލީހުގެ ރައީސްގެ މަޤާމަށް ވެސް ކުރިމަތިލެއްވި އެވެ. ނަމަވެސް ޤާސިމަށް ބޮޑު ނާކާމިޔާބީއަކާއި ކުރިމަތިލާންޖެހިވަޑައިގެންނެވިއިރު، ލިބިވަޑައިގެންނެވީ ޖުމްލަ 17 ވޯޓެވެ.
