ބޭނުންވާ ތަކެތި:

1 ދަޅު ރަސްގުއްލާ

1 ލީޓަރ ކިރު (ފުލް ކްރީމް)

10 ޕިސްޓާޗިއޯ

1/4 ސައިސަމްސާ ސެފްރަން

1/2 ސައިސަމްސާ މުގުރި ކާފޫރުތޮޅި

200 ގުރާމް ހަކުރު

1 ފިނިފެންމަލުގެ ފިޔަތައް

ތައްޔާރު ކޮށްލާނެ ގޮތް:

ދަޅުގައި ހުރި ރަސްގުއްލާކޮޅުން ހަކުރު ފަނި ރަނގަޅަށް ފެލާލާށެވެ.

ރަސްގުއްލާ ތަކުގައި އެއްވެސް ވަރަކަށް ހަކުރު ފަނި ނުހުންނާނެ ވަރަށް ފެލާފައި އެއްކައިރި ކޮށްލާށެވެ.

ތެއްޔެއްގައި ކިރުފޮދާއި ސެފްރަން ކައްކާލާށެވެ.

ދެން ކިރުފޮދު ގެ އެއްބައި ހިނދެންދެން ކައްކާލާށެވެ. އެއަށްފަހު ހަކުރު އަދި ކާފޫރުތޮޅި އެއްކޮށްލާފައި، 10 މިނެޓުވަންދެން ކައްކާލާށެވެ.

ކިރުފޮދު އޮލަވާން ފެށުމުން އުނދުން ނިވާލާފައި ރަސްގުއްލާ މައްޗަށް އަޅާލާށެވެ.

މީގެ މައްޗަށް ޕިސްޓާޗިއޯ ކޮޅު ކޮށާލާފައި، ފިނިފެން މަލުގެ ފިޔަ އަޅާލާށެވެ.

ދެން ރަސްގުއްލާތައް ފޯވަންދެން ފްރިޖަށް ލާށެވެ. ބޮޑަށް ރަނގަޅީ 12-10 ގަޑިއިރު ވަންދެން ބެހެއްޓިއްޔާއެވެ.