އެންޓޯނިއޯ ކޮންޓޭ އިންޓަ މިލާނަށް ސޮއިކުރުމާ ގާތަށް ގޮސްފައިވާ ކަމަށް ރިޕޯޓްތައް ބުނެފިއެވެ.

ސްކައި ސްޕޯޓްސްއިން ބުނީ، ކޮންޓޭ އިންޓައަށް ސޮއިކުރުމާ ވަރަށް ގާތަށް ގޮސްފައިވާ ކަމަށާއި، އޭނާ އެ ކްލަބަށް ބަދަލުވަނީ ތިން އަހަރު ދުވަހުގެ އެއްބަސްވުމެއްގެ ދަށުން ކަމަށެވެ.

ރިޕޯޓްތައް ބުނާގޮތުން ކޮންޓޭ މި ހަފްތާ ތެރޭގައި އިންޓައަށް ސޮއިކުރާނެއެވެ. އަދި އިންޓަގެ ކޯޗުކަމުން ވަރަށް އަވަހަށް ލޫސިއާނޯ ސްޕަލެޓީ ވަކިކުރާނެ ކަމަށް ވެސް ރިޕޯޓްތައް ބުނެއެވެ.

އިންޓައާ 2017 ވަނަ އަހަރު ހަވާލުވި ސްޕަލެޓީގެ އިރުޝާދުގެ ދަށުން އެ ކްލަބް 90 މެޗު ކުޅެފައިވާއިރު، އޭގެ ތެރެއިން އެޓީމު މޮޅުވެފައިވަނީ 45 މެޗުންނެވެ. ބާކީ 19 މެޗުން އެ ކްލަބް ބަލިވެފައިވާއިރު، 26 މެޗުން ވަނީ އެއްވަރުވެފައެވެ.

ގިނަ ކްލަބްތަކަށް ކޯޗުކަން ކޮށްދީފައިވާ ކޮންޓޭ ހޯދުމަށް ވެސް ގިނަ ކްލްބަތަކުން އަންނަނީ މަސައްކަތް ކުރަމުންނެވެ. އޭނާ އެންމެ ފަހުން ކޯޗުކަން ކޮށްދިނީ ޗެލްސީއަށެވެ.

ކޮންޓޭގެ އިރުޝާދުގެ ދަށުން ޗެލްސީން 106 މެޗު ކުޅެފައިވާއިރު، 69 މެޗުން ވަނީ ބަލިވެފައެވެ. ބާކީ 29 މެޗުން ބަލިވިއިރު، 17 މެޗު ނިމުނީ އެއްވަރުވެގެންނެވެ.