ހުޅުމާލެއިން ކަރަންޓް ގޮސްފައި ވަނީ 10:00 ހާއިރު
ހުޅުމާލެ
މުޅި ހުޅުމާލެއިން ކަރަންޓް ކެނޑިއްޖެއެވެ.
މުޅި ހުޅުމާލެއިން ކަރަންޓް ކެނޑިފައި ވަނީ ކީއްވެގެން ކަން އަދި ސާފްވާ ގޮތެއް ނުވެއެވެ. ކަރަންޓް ގޮސްފައި ވަނީ ބުދަދުވަހުގެ ރޭ 10:00 ހާއިރުއެވެ. ކަރަންޓް އައިސްފައިވާ ކަމުގެ މައުލޫމާތު މިހާތަނަށް ލިބަފައެއް ނުވެއެވެ.
ސްޓެލްކޯ އިން ކޮށްފައިވާ ޓްވީޓެއްގައި ބުނެފައި ވަނީ ހުޅުމާލޭގެ ބައެއް ސަރަހައްދުތަކުން ކަރަންޓް ކަނޑައިގެން ގޮސްފައިވާ ކަމަށާއި އެކަން ހައްލުކުރުމަށް މަސައްކަތްކުރަމުން އަންނަ ކަމަށެވެ. ނަމަވެސް ކަރަންޓް ކެންޑުނު ސަބަބެއް ހާމަކޮށްފައެއް ނުވެއެވެ.
ފަހަކަށް އައިސް ހުޅުމާލެ އަށް ވެސް ކަރަންޓްގެ މައްސަލަ ކުރިމަތިވަމުންދާއިރު މާލެ އަށް ވެސް ދޭތެރެ ދޭތެރެއިން ކަރަންޓް ކެނޑޭ މައްސަލަ ކުރިމަތިވެއެވެ. އަދި ބައެއް ރަށްރަށުގައި ވެސް ކަރަންޓް ކެނޑޭ މައްސަލަ އަށް އަދިވެސް ވަނީ އެކަށީގެންވާ ހައްލެއް ނުހޯދިއެވެ.
