ކ. މާލެ
|
4 މެއި 2019 | ހޮނިހިރު 16:38
\'\'އެވެންޖަރޒް: އެންޑްގޭމް\'\'ގެ ޕޯސްޓަރެއް: މިއީ \'\'އެވެންޖަރޒް\'\' ސިލްސިލާގެ ފަހު ފިލްމު
''އެވެންޖަރޒް: އެންޑްގޭމް''ގެ ޕޯސްޓަރެއް: މިއީ ''އެވެންޖަރޒް'' ސިލްސިލާގެ ފަހު ފިލްމު
މުހައްމަދު ޝަރުހާން
ބޮލީވުޑް ބޮކްސް އޮފީސް
އިންޑިއާގައި ނެރުނު ހަފުތާގައި އެންމެ ބޮޑު އާމްދަނީ ލިބުނު ފިލްމަކަށް ''އެވެންޖަރޒް: އެންޑްގޭމް''
 
ފިލްމަށް ފުރަތަމަ ހަފުތާގެ ތެރޭގައި 44.8 މިލިއަން ޑޮލަރުގެ އާމްދަނީއެއް ލިބިފައިވޭ

ބޮލީވުޑްގެ ފިލްމްތަކުން ހަދާފައި ހުރި ރެކޯޑްތައް މުގުރާލުމަށް ފަހު، ފުރަތަމަ ހަފުތާގައި އިންޑިއާގައި އެންމެ ބޮޑު އާމްދަނީއެއް ހޯދި ފިލްމަކަށް މާވެލްގެ "އެވެންޖަރޒް: އެންޑްގޭމް" ވެއްޖެއެވެ.

ފިލްމުގެ އޯޕަނިން ވީކެންޑްގެ އާމްދަނީއަށް ޖުމްލަ 310 ކްރޯޑް ރުޕީޒް (44.8 މިލިއަން ޑޮލަރު) ލިބިފައިވެއެވެ. ފިލްމް ރިލީޒްކުރި ފުރަތަމަ ދުވަހުގައި އެކަނިވެސް އެ ފިލްމުން 50 ކްރޯޑް ރުޕީޒްގެ އާމްދަނީއެއް ހޯދާފައިވާއިރު، ހަފްތާ ބަންދުގެ ތެރޭގައި އެކަނިވެސް 150 ކްރޯޑު ރުޕީޒްގެ (21.6 މިލިއަން ޑޮލަރުގެ) އާމްދަނީއެއް ފިލްމުން ހޯދާފައި ވެއެވެ.

އިންޑިއާގައި މިހާތަނަށް ނެރުނު ފިލްމުތަކުގެ ތެރެއިން މި ފިލްމާ ގާތްކުރާ އަދަދެއްގެ އާމްދަނީއެއް ލިބުނީ "ބާހޫބަލީ"ގެ ދެވަނަ ބަޔަށެވެ. އެ ފިލްމަށް ފުރަތަމަ ހަފުތާގެ ތެރޭގައި 247  ކްރޯޑް ރުޕީޒްގެ (35.7 މިލިއަން ޑޮލަރުގެ) އާމްދަނީއެއް ލިބިފައިވެއެވެ. މި ލިސްޓްގެ ތިން ވަނައިގައި އުޅެނީ ސަލްމާން ހާންގެ "ސުލްތާން" އެވެ. އެ ފިލްމަށް 227 ކްރޯޑް ރުޕީޒްގެ (32.8 މިލިއަން ޑޮލަރުގެ) އާމްދަނީއެއް ލިބިފައިވެއެވެ. 

"އެވެންޖަރޒް އެންޑްގޭމް" އަށް މުޅި ދުނިޔެއިން ލިބުނު އާމްދަނީއަށް ބަލާއިރު، އެ ފިލްމަށް ފުރަތަމަ ހަފުތާގެ ތެރޭގައި އެކަނި ވެސް 1.6 ބިލިއަން ޑޮލަރުުުގެ އާމްދަނީއެއް ލިބިފައިވެއެވެ. މިއީ "އެވެންޖަރޒް" ސިލްސިލާގެ ފިލްމުތަކުގެ ތެރޭގައި ހިމެނޭ "އޭޖް އޮފް އަލްޓްރޯން" އާއި "ދި އެވެންޖަރޒް" ގެ ޖުމްލަ އާމްދަނީއަށް ވުރެން ވެސް ބޮޑު އާމްދަނީއެކެވެ. "އެވެންޖަރޒް" ސިލްސިލާގެ މިހާތަނަށް އެންމެ ބޮޑު އާމްދަނީއެއް ލިބުނު ފިލްމަކީ "އެވެންޖަރޒް: އިންފިނިޓީ" ވޯއެވެ. އެ ފިލްމަސް ދެ ބިލިއަން ޑޮލަރު ލިބިފައިވެއެވެ. މާހިރުން ބުނާ ގޮތުގައި "އެންޑްގޭމް" އިން ފަސޭހަކަމާ އެކީ މި ރެކޯޑް މުގުރާލުމަށް ފަހު، ހޮލީވުޑްގެ ތާރީހުގައި ވެސް އެންމެ ބޮޑު އާމްދަނީއެއް ލިބުނު ޖޭމްސް ކެމެރަންގެ އެވެޓަރގެ ރެކޯޑް މުގުރާލުމުގެ ފުރުސަތު ވެސް ބޮޑު ކަމަށެވެ.

އެންމެ ފަހުން އަޕްޑޭޓް ކުރީ: 4 ހަފްތާ ކުރިން
ރިވިއު ކުރީ: އަލީ ޔޫސުފް
0%
0%
0%
0%
0%
0%
ކޮމެންޓް