މިރޭގެ އަށަކުން ފެށިގެން 8 ގަޑިއިރަށް ކާފިޔު ހިންގަނީ
22 އެޕްރީލު 2019 | ހޯމަ 08:31ކާފިޔު ހިންގަނީ މިރޭ އަށަކުން ފަތިހު ހަތަރަކަށް
ސިފައިންގެ މީހަކު ފޯރި މަރަނީ
ސްރީލަންގެ ވެރިރަށް ކޮލަމްބޯގެ ޗާޗާއި، ހޮޓާތަކަށް ދިން ހަމަލާއި ގުޅިގެން އިތުރަށް 8 ގަޑިއިރަށް ކާފިޔުން ހިންގަން ނިންމައި، އެކަން އިއުލާންކޮށްފި އެވެ.
އެގޮތުން ކާފިޔު ހިންގަނީ މިއަދު ހަވީރު 8:00 އިން ފަތިހު 4:00 އަށް ކަމަށް ލަންކާގައި ހުންނަ ބީބީސީގެ ރިޕޯޓަރު އައްޒާމް އަމީން ރިޕޯޓް ކުރެއެވެ. ބައެއް ފަރާތްތަކުން ދޮގު ހަބަަރު ފަތުރަމުންދާތީވެ ލަންކާ ސަރުކާރުން ވަނީ އެގައުމުގެ ސޯޝަލް މީޑިއާތައް ވަގުތީ ގޮތުން އިއްޔެ ބަންދުކޮށްފައެވެ.
އެންމެ ފުރަތަމަ ކާފިޔު އިއުލާން ކޮށްފައިވަނީ އާދިއްތަ ދުވަހު ހަވީރު 6:00 އިން މިއަދު ހެނދުނު 6:00 އަށެވެ.
ލަންކާ އަށް ދިން ހަމަލާގައި މިހާތަނަށް 290 މީހަކު މަރުވެފައިވާއިރު، ހަމަލާގައި ބައިވެރިވިކަމުގެ ތުހުމަތު ކުރެވޭ 24 މީހަކު ވަނީ ފުލުހުންގެ ބެލުމުގެ ދަށަށް ގެންގޮސްފައެވެ.
ހާދިސާގެ ހަބަރު ލިބިވަޑައިގެންނެވިއިރު ސިންގަޕޫރްގައި ޗުއްޓީ ހޭދަކުރައްވަމުން ދިޔަ އެގައުމުގެ ރައީސް މައިތިރިޕާލަ ސިރިސޭނަގެ ދަތުރުފުޅު ކުރުކޮށްލެއްވުމަށް ފަހު ލަންކާ އަށް ވަޑައިގަންނަވާފައިވަނީ ރޭ ފަތިހުގެ ވަގުތެއްގައެވެ. ބޮމުގެ ހާދިސާ ތަހުގީގު ކުރުމަށް ސިރިސޭނަ ވަނީ ހާއްސަ ކޮމިޓީއެއް އެކުލަވާލާފައެވެ.
