2020 ގެ ރިޔާސީ އިންތިޚާބުގައި ހިލަރީ ކްލިންޓަން ވާދަނުކުރައްްވަން ނިންމަވައިފި
6 މާރިޗު 2019 | ބުދަ 17:09ޑިމޮކްރެޓިކް ޕާޓީގެ ޓިކެޓްގެ ވާދަވެރިކަން ވަނީ ބޮޑުވެފައި
ހިލަރީ ކްލިންޓަންވަނީ 2016 ވަނަ އަހަރުގެ ރިޔާސީ އިންތިޚާބުގައި ޑެމޮކްރެޓިކް ޕާޓީގެ ޓިކެޓްގައި ވާދަކުރައްވާފައި
އެމެރިކާގައި 2020 ވަނަ އަހަރު ބާއްވާ ރިޔާސީ އިންތިޚާބުގައި ވާދަނުކުރައްވާނެކަން ހިލަރީ ކްލިންޓަން އިއުލާނު ކުރައްވައިފިއެވެ.
"އަޅުގަނޑު ވާދައެއް ނުކުރަން، އަޅުގަނޑު ގަބޫލުކުރާ ކަންތައްތަކަށް ތެދުވެ އެކަމަށް ވާހަކަދައްކައި މަސައްކަތް ކުރަމުންދާނަން" ނިއުޔޯކްގެ ނިއުސް 12 ޓީވީ ޗެނަލްއަށް ދެއްވި އިންޓަވިއުގައި ހިލަރީ ކްލިންޓަން ވިދާޅުވިއެވެ.
ޑިމޮކްރެޓިކް ޕާޓީގެ ކެނޑިޑޭޓްގެ ގޮތުގައި 2016 ވަނަ އަހަރު ވާދަކުރައްވައި އިންތިޚާބު އެކަމަނާ ކާމިޔާބު ކުރައްވާނެ ކަމަށް ވަރަށް ބޮޑަށް ބެލެވިފައިވަނިކޮށް ހައިރާން ކޮށްލުމަށް ފަހު ރައީސް ޓްރަމްޕް ވަނީ އިންތިޚާބް ކާމިޔާބު ކުރައްވާފައެވެ.
ދައުލަތުގެ އެއްވެސް މަގާމަކަށް ވާދަކުރައްވަފާނެތޯ ނިއުސް 12 އިން އެހުމުން އެކަމަނާ ވިދާޅުވީ" އަޅުގަނޑަކަށް ހިޔެއް ނުވޭ" ކަމަށެވެ.
ނިއުޔޯކްގެ ކުރީގެ މޭޔަރ މައިކަލް ބްލޫމްބަރގވެސް ވަނީ 2020 ގެ އިންތިޚާބުގައި ވާދަނުކުރައްވާނެކަން އިއުލާނު ކުރައްވާފައެވެ.
"އަޅުގަނޑު ގަބޫލުކުރާ ގޮތުގައި އަޅުގަނޑު ރައީސް ޓްރަމްޕް ބަލިކުރަން ޖެހެނީ އާއްމު އިންތިޚާބުގައި. އަންގާރަ ދުވަހުގެ މެންދުރު، ބިިލިއަނަރ ނެރުއްވާފައިވާ ބަޔާނުގައިވެއެވެ." އެކަމަކު އަޅުގަނގަޑަށް ވަރަށް ސާފުކޮށް ފެނޭ އެހާ ގިނަބައެއްގެ ތެރެއިން ޑެމޮކްރެޓިކް ޕާޓީގެ ހޮވުމަކަށް އުނދަގޫކަން"
ޑެމޮކްރެޓިކް ޕާޓީގެ ޓިކެޓަށް މިހާތަނަށް 10 ކެނޑިޑޭޓަކު ވާދާކުރައްވާނެކަން އިއުލާނު ކުރައްވާފައިވާއިރު އޭގެތެރޭގައި ސެނޭޓަރ ބަރނީ ސޭންޑަރސް، މަސަޗޫސެޓްސްގެ ސެނޭޓަރ އެލިޒަބްތު ވޮރެންއާއި ނިއުޖަރޒީގެ ސެނޭޓަރ ކޮރީ ބުކަރ އަދި ޓެކްސަސްގެ ސެން އެންޓޯނިއޯގެ މޭޔަރ ޖޫލިއަން ކާސްޓްރޯ ހިމެނިވަޑައިގަންނަވައެވެ.
މީގެތެރެއިން މިނިވަން މެމްބަރެއްގެ ގޮތުގައި ވާމޮންޓްގެ ގޮނޑި ތަމްސީލް ކުރައްވާ އުމުރުފުޅުން 77 އަހަރުފުޅުގެ ސޭންޑަރސް 2016ވަނަ އަހަރު ޑެމޮކްރެޓިކް ޕާޓީގެ ޓިކެޓަށް ވާދަކުރައްވައި ނާކާމިޔާބާ ކުރިމަތިލައްވަން ޖެހިވަޑައިގަތީ ހިލަރީ ކްލިންޓަންއާ ވާދަކުރައްވައެވެ.
