ގުލޯބަލް އިކޮނޮމިކް ސަމިޓްގައި ބައިވެރިވެވަޑައިގަތުމަށް ފިނޭންސް މިނިސްޓަރު ފުރާވަޑައިގެންފި
5 މާރިޗު 2019 | އަންގާރަ 22:25ސަމިޓް ބާއްވަނީ މާރޗް މަހުގެ 6 ވަނަ ދުވަހުން ފެށިގެން 8 ވަނަ ދުވަހުގެ ނިޔަލަށް
މިނިސްޓަރއޮފް ފިނޭންސް އިބްރާހިމް އަމީރު
އޯލް އިންޑިއާ އެސޯސިއޭޝަން އިންޑަސްޓަރީ (އޭއައިއޭއައި)ގެ ފަރާތުން އިންތިޒާމް ކޮށްގެން ބާއްވާ 8 ވަނަ ގްލޯބަލް އިކޮނޮމިކް ސަމިޓްގައި ރައީސުލްޖުމްހުރިއްޔާގެ ޚާއްސަ މަންދޫބެއްގެ ގޮތުން ބައިވެރިވެ ވަޑައިގަތުމަށް މިނިސްޓަރ އޮފް ފިނޭންސް އިބްރާހިމް އަމީރު ފުރާވަޑައިގެންފިއެވެ.
މި ސަމިޓް ބާއްވާ ގޮތަށް ހަމަޖެހިފައި ވަނީ މާރޗް މަހުގެ 6 ވަނަ ދުވަހުން ފެށިގެން 8ވަނަ ދުވަހުގެ ނިޔަލަށް އިންޑިއާގެ މުންބާއީގައެވެ. ސަމިޓްގައި ރާއްޖޭގެ ފަރާތުން ފިނޭންސް މިނިސްޓަރު އިބްރާހިމް އަމީރު ތަގުރީރު ކުރައްވާ ގޮތަށް ވަނީ ހަމަޖެހިފައެވެ.
އޯލް އިންޑިއާ އެސޯސިއޭޝަން އޮފް އިންޑަސްޓްރީޒް އަކީ ވިޔަފާރިއާއި އިގުތިސާދު ކުރިއެރުވުމުގެ މަގްސަދުގައި އުފައްދާފައިވާ އެސޯސިއޭޝަނެކެވެ. މީގެ 55 ފަހަރު ކުރިން އުފެއްދި މި އެސޯސިއޭޝަންގެ މެންބަރުންގެ އަދަދު 1400 އަށް ވުރެން ގިނައެވެ.
