ޓްރާންސްޕޯޓްގެ ޗެއާމަނަކަށް މަހުދީ، ނާފިޒް އިކޮނޮމިކްގެ ނައިބަކަށް
ނާފިޒް މަސައްކަތް ކުރައްވާނީ ލޭބާ އޮތޯރިޓީގެ ވެރިޔަކަށް
ނާފިޒް (ކ) އާއި މަހުދީ
ޓްރާންސްޕޯޓް އޮތޯރިޓީގެ ޗެއާމަން ކަމުގެ މަގާމަށް، މޯލްޑިވްސް ޕޯޓްސް ލިމިޓެޑް (އެމްޕީއެލް) ގެ ޑެޕިއުޓީ ޗެއާމަނަކަށް ހުންނެވި މަހުދީ އިމާދު އައްޔަންކޮށް، އެ މަގާމުގައި ކުރިން ހުންނެވި އަބްދުއް ރަޝީދު ނާފިޒް އިކޮނޮމިކް މިިނިސްޓްރީގެ ނައިބަކަށް ބަދަލުކޮށްފި އެވެ.
މައުލޫމާތު ލިބިފައިވާ ގޮތުގައި، ޓްރާންސްޕޯޓް އޮތޯރިޓީގައި ގިނަ ދުވަސްތަކެއް ވަންދެން މަސައްކަތް ކުރައްވާފައިވާ ނާފިޒު ދެން މަސައްކަތް ކުރައްވާނީ އިކޮނޮމިކް މިނިސްޓްރީގެ ދަށުން ހިންގާ ލޭބާ އޮތޯރިޓީގެ އިސްވެރިއެއްގެ ގޮތުގަ އެވެ.
އެމްޕީއެލްގައި ގިނަ ދުވަސްތަކެއް ވަންދެން މަސައްކަތް ކުރައްވާފައިވާ މަހުދީ ޓްރާންސްޕޯޓް އޮތޯރިޓީގެ ޗެއާމަކަނަށް ބަދަލުކުރެއްވި އިރު، އެމްޕީއެލްގެ ވަޒީފާ އަށް މަހުދީ ނުނިކުންނަވާތާ ވެސް ގިނަ ދުވަސްތަކެއް ވަނީ ވެފައެވެ.
މީގެ އިތުރުން އެމްޕީއެލްގެ ސީއީއޯގެ މަގާމުގައި މަހުދީ ހުންނެވި އިރު މަގާމުގެ ނުފޫޒު ބޭނުންކުރި ކަމުގެ ދައުވާ އޭނާގެ މައްޗަށް ކުރުމަށް އެންޓި ކޮރަޕްޝަން ކޮމިޝަން (އޭސީސީ) އިން ވަނީ ޕްރޮސެކިއުޓާ ޖެނެރަލްގެ އޮފީހަށް މިދިޔަ އަހަރުު ފޮނުވާފަ އެވެ.
އެމްޕީއެލްގެ ސީއީއޯގެ މަގާމުން މަހުދީ ވަކިކޮށް، ޑެޕިއުޓީ ސީއީއޯއަކަށް ހަމަޖައްސާފައިވަނީ 2015 ވަނަ އަހަރުގެ އޮކްޓޯބަރު މަހުގެ ތެރޭގަ އެވެ.
