ދެކުނަށް މޫސުން ގޯސްވެއްޖެ، އައްޑޫ އާއި ފުވައްމުލަކަށް ވާރޭވެހޭނެ
ބޯކޮށް ވާރޭވެހުމާއެކު ގުގުރުރުން އެކަށީގެންވޭ
މިދިޔަ އަހަރު އައްޑޫއަށް ކުރި ވިއްސާރާގައި ފެންބޮޑުވެފައި
ރާއްޖޭގެ ދެކުނުގެ އަތޮޅުތަކަށް މޫސުން ގޯސްވެ، އައްޑޫ ސިޓީ އާއި ފުވައްމުލަކަށް ބޯކޮށް ވާރޭވެހޭނެ ކަމަށް މޫސުމާ ބެހޭ ގައުމީ އިދާރާ އަންދާޒާކޮށްފިއެވެ.
ރާއްޖޭގެ ދެކުނަށް މޫސުން ގޯސްވެ، އައްޑޫ އާއި ފުވައްމުލަކަށް ވަނީ ވައިޓް އެލާޓް ނެރެފައެވެ. އެލާޓުގެ މުއްދަތު ދެމި އޮންނާނީ ހުކުރު ދުވަހުގެ ހެނދުނު 10:00 އިން ފެށިގެން ހަވީރު 4:00 އަށެވެ.
މެޓް އޮފީހުން ބުނީ ދެކުނުގެ އަތޮޅުތަކަށް ވިއްސާރަ ކުރާނެ ކަމަށާއި މީގެ ތެރެއިން ބައެއް ރަށްތަކަށް ބޯކޮށް ވާރޭވެހުމާއެކު ގުގުރުރުން އެކަށީގެންވާ ކަމަށެވ. އަދި އެހެން ހިސާބުތަކަށް ކެރީގެ އަސަރު ފޯރާނެ ކަމަށް މެޓް އޮފީހުން ބުނެއެވެ. އަދި އެންމެ ދެކުނުގެ އަތޮޅުތަކުގެ ކަަނޑުތައް އާދައިގެ ވަރަކަށް މަޑުވެފައި ވިލާގަނޑުގައި އާދައިގެވަރަކަށް ގަދަ ވާނެ ކަމަށާއި އެހެން ހިސާބުތަކުގެ ކަނޑުތައް ގަދަ ވާނެ ކަމަށް ވެސް މެޓް އޮފީހުން ބުނެއެވެ.
މީގެ އިތުރުން މެޓް އޮފީހުން ބުނީ އުތުރާއި އިރުއުތުރުން، އެންމެ ދެކުނުގެ އަތޮޅުތަކުގައި ގަޑިއަކު 5 މޭލާއި 13 މޭލާ ދެމެދުގެ ބާރު މިނުގައި ވައި ޖެހޭނެ އަދި އެހެން ހިސާބުތަކަށް ގަޑިއަކު 13 މޭލާ 23 މޭލާ ދެމެދުގެ ބާރުމިނުގައި ވައިޖެހޭނެ، ވިލާގަނޑުގައި ގާތްްގަނޑަކަށް 35 މޭލަށް ވައި ގަދަވުން އެކަށީގެންވާކަމަށެވެ.
