ކ. މާލެ
|
18 ފެބްރުއަރީ 2017 | ހޮނިހިރު 17:55
ސެނޭޓްގައި ފެންނަ ކަމަށް 52 މެމްބަރުން ވޯޓްލާފައިވާއިރު ނުފެންނަ ކަމަށް 46 މެމްބަރުން ވޯޓް ދެއްވާފައިވޭ
ސެނޭޓްގައި ފެންނަ ކަމަށް 52 މެމްބަރުން ވޯޓްލާފައިވާއިރު ނުފެންނަ ކަމަށް 46 މެމްބަރުން ވޯޓް ދެއްވާފައިވޭ
ގޫގުލް
ޓްރަމްޕް
ޓްރަމްޕް ސަރުކާރުގެ އީޕީއޭގެ ވެރިޔާ ހުވާކުރައްވައިފި
 
އޮކްލަހޯމާގެ ކުރީގެ އެޓާނީ ޖެނެރަލްއެއްގެ މަގާމު އަދާކުރައްވާފައިވާ ސްކޮޓް ޕްރޫޓް ހުވާކުރައްވާފައިވަނީ ހުކުރު ދުވަހު

އެމެރިކާގެ ރައީސް ޑޮނާލްޑް ޓްރަމްޕްގެ ސަރުކާރުގެ އެންވައަރަމެންޓަލް ޕްރޮޓެކްޝަން އޭޖެންސީގެ ވެރިޔާގެ މަގާމަށް އައްޔަން ކުރެއްވި ސްކޮޓް ޕްރޫޓް މަގާމުގެ ހުވާ ކުރައްވައިފިއެވެ.
އޭނާ އަށް އިންތިހާއަށް ފާޑުކިއުން އަމާޒުވެފައިވާއިރު އޭނާއަށް ރުހުން ދިނުން ފަސްކުރުމަށް ޑިމޮކްރޭޓުން ކުރަމުންދިޔަ މަސައްކަތް ހުއްޓުވައި އޭނާއަށް ރުހުންދީފައި ވަނީ ރިޕަބްލިކަންގެ އަޣުލަބިއްޔަތު ބޭނުންކޮށްގެންނެވެ.
އޮކްލަހޯމާގެ ފަނޑިޔާރަކު ބުރާސްފަތި ދުވަހު ވަނީ ތެލާއި ގޭހާ ބެހޭ އިސްވެރިންނާ އޭނާއާ ދެމެދު އީމެއިލް މެދުވެރިކޮށް ކޮށްފައިވާ މުއާމަލާތްތަކުގެ މައުލޫމާތު އަންގާރަ ދުވަހުގެ ނިޔަލަށް ހާމަކުރުމަށްވަނީ އަމުރުކޮށްފައެވެ.
އީމެއިލްތައް ހާމަ ނުކުރުމާއި ހަކަތައާ ބެހޭ ކުންފުނިތަކާ އޭނާއާ އޮތް ގާތްކަމުގެ ސަބަބުން ޑިމޮކްރޭޓުން ފުރަތަމަ ވަނީ އޭނާއަށް ވޯޓްލުމަށް އޮތް ޖަލްސާ ބޮއިކޮޓްކޮށްފައެވެ.
ސެނޭޓްގައި އޭނާއަށް ރުހުން ކަށަވަރު ކުރަން ވޯޓް ނެގި ރޭ ޑިމޮކްރޭޓުން ވަނީ އީމެއިލްތަކުގެ މައުލޫމާތު ހާމަކުރަންދެން ވޯޓް ލަސްކުރުވުމަށްޓަކައި މުޅި ރޭ ތަޅުމުގައި މަސައްކަތް ކޮށްފައެވެ.
ސެނޭޓްގައި އޭނާއަށް ފެންނަ ކަމަށް 52 މެމްބަރުން ވޯޓްލާފައިވާއިރު ނުފެންނަ ކަމަށް 46 މެމްބަރުން ވޯޓް ދީފައި ވެއެވެ.
އޮކްލަހޯމާގެ ކުރީގެ އެޓާނީ ޖެނެރަލެއްގެ މަގާމު އަދާކުރައްވާފައިވާ ސްކޮޓް ޕްރޫޓް ހުވާކުރައްވާފައިވަނީ ހުކުރު ދުވަހުއެވެ.

އެންމެ ފަހުން އަޕްޑޭޓް ކުރީ: 1 މަސްކުރި
ރިވިއު ކުރީ: އަލީ ޔޫސުފް
0%
0%
0%
0%
0%
0%
ކޮމެންޓް