އަންގާރަ 20 އޯގަސްޓު 2019
10 މާ
1440 ޒުލްޙައްޖު 18
ފަތިސް 04:48
އިރުއަރާ 06:01
މެންދުރު 12:13
އަސްރު 15:25
މަޣްރިބް 18:18
އިޝާ 19:32
ކުޅިވަރު - މެސުތް އޮޒިލް

އޮޒިލް ވިއްކާލަން އާސެނަލްގެ ބޯޑުން ނިންމައިފި

  • އޮޒިލް ހޯދަން ގިނަ ކްލަބްތަކުން ޝައުގުވެރިވޭ

ލީވާން އަލީ
MrLeevaan

ކ. މާލެ 11 ފެބުރުއަރީ 2019 | ހޯމަ 20:51 2,557

މެސުޓް އޮޒިލް - ގޫގުލް

އާސެނަލްއަށް ކުޅެމުން އަންނަ މެސުޓް އޮޒިލް ވިއްކާލަން އެ ކްލަބުގެ ބޯޑުން ނިންމާފައިވާ ކަމަށް ރިޕޯޓްތައް ބުނެފިއެވެ.

ރިޕޯޓްތައް ބުނާ ގޮތުން އާސެނަލް އިން އޮޒިލް ވިއްކާލަން ނިންމާފައި ވަނީ އެ ކްލަބުގެ މާލީ ހާލަތު މިވަގުތު ހުރި ގޮތުންނެވެ.

އެގޮތުން އެ ކްލަބުގެ އަމާޒަކީ އޮޒިލް ބޮޑު އަގުގައި ވިއްކާލާ ކުރިޔަށް އޮތް ސީޒަނަށް ޓީމު ވަރުގަދަކުރުން ކަމަށްވެސް ރިޕޯޓްތައް ބުނެއެވެ.

ރިޕޯޓްތައް ބުނާ ގޮތުން މިދިޔަ ޓްރާންސްފާ ބާޒާރުގައި އާސެނަލްއަށް ކުޅުންތެރިން ނުހޯދުނީ މާލީ ހާލަތު ތަން ނުދިނުމުންނެވެ. އެޓީމުން މިދިޔަ ޓްރާންސްފާގައި ގެނެސްފައި ވަނީ ލޯން އެއްބަސްވުމެއްގެ ދަށުން ޑެނިސް ސުއަރޭޒް އެކަނިއެވެ.

ޝާލްކޭ އިން 2006 ވަނަ އަހަރުގެ ސީޒަނުގައި ކެރިޔަރު ފެށި އޮޒިލް ވަނީ ވާޑަބްރޭމަން އަދި ރެއާލް މެޑްރިޑަށްވެސް ކުޅެފައެވެ. އޭނާ އާސެނަލް އަށް ބަދަލުވީ 2013 ވަނަ އަހަރުގެ ސީޒަނުގައެވެ.

އޮޒިލް ވަނީ އާސެނަލްއަށް މިހާތަނަށް ކުޅުނު 213 މެޗުގައި 41 ލަނޑު ކާމިޔާބުކޮށްފައެވެ. އޭނާ ވަނީ މިހާތަނަށް އެޓީމާއެކު ތިން އެފްއޭ ކަޕް އަދި އެފްއޭ ކޮމިއުނިޓީ ޝިލްޑް އެއްފަހަރު ކާމިޔާބުކޮށްފައެވެ.

ރެއާލް މެޑްރިޑާއެކު ލަލީގާ އާއި ކޮޕާޑެލްރޭ އަދި ސްޕެނިޝް ސުޕަ ކަޕް ކާމިޔާބުކޮށްފައިވާ އޮޒިލް ވަނީ ރެއާލްގައި ހޭދަކުރި ހަތަރު ސީޒަނުގައި އެޓީމަށް ކުޅުނު 159 މެޗުގައި 27 ލަނޑު ކާމިޔާބުކޮށްފައެވެ.

ޖަރުމަން ގައުމީ ޓީމަށް ކުޅުނު 92 މެޗުގައި 23 ލަނޑު ކާމިޔާބުކޮށްފައިވާ އޮޒިލް ވަނީ އެޓީމާއެކު 2014 ވަނަ އަހަރު ވޯލްޑް ކަޕް ކާމިޔާބުކުރުމުގެ އިތުރުން 2009 ވަނަ އަހަރު 21 އަހަރުން ދަށުގެ ޔޫރޯވެސް ކާމިޔާބުކޮށްފައެވެ.

އެންމެ ފަހުން އަޕްޑޭޓް ކުރީ: 2 މަސް ކުރިން | ރިވިއު ކުރީ: އަލީ ޔޫސުފް

މި ލިޔުން ކިޔާލުމުން

ޚަބަރެއް ނުވަތަ މައުލޫމާތެއް ރާއްޖެއެމްވީ އަށް ދެއްވުމަށް [email protected] އަށް އީމެއިލް ކުރައްވާ ނުވަތަ 9110099 ނަންބަރަށް ގުޅުއްވާ.

ކޮމެންޓް