ޔަމަން ހަނގުރާމަ: ހުދެއިދާގައި އޮބްޒަރވަރުންގެ ގޮތުގައި 75 މީހުން ބައިތިއްބަން ސަލާމަތީ މަޖިލީހުން ފާސްކޮށްފި
17 ޖެނުއަރީ 2019 | ބުރާސްފަތި 06:00އޮބްޒަރަވަރުން ތިބޭނީ ހަ މަސްދުވަހަށް
ހުދެއިދާގެ ބަނދަރަކީ ޔަމަނަށް އިިމްޕޯޓް ކުރެވޭ މުދަލާއި އިންސާނީ އެހީ އެ ގައުމަށް ވެއްދޭ މައި ދޮރޯށި
ޔަމަނުގެ ހުދެއިދާގައި އޮބްޒަރވަރުންގެ ގޮތުގައި 75 މީހުން ހަ މަސްވަންދެން މަސައްކަތްކުރުމަށް އދގެ ސަލާމަތީ މަޖިލީހުގެ އިއްތިފާގުން ފާސްކޮށްފިއެވެ.
ހަތިޔާރު ނެތި މޮނިޓަރުންގެ ގޮތުގައި މަސައްކަތްކުރާ ޓީމް ފޮނުވާނީ ހުދެއިދާ އާއި ސަލީފް އަދި ރަސް އިއްސާގެ ބަނދަރަށެވެ.
ހުދެއިދާގެ ބަނދަރަކީ ޔަމަނަށް އިިމްޕޯޓް ކުރެވޭ މުދަލާއި އިންސާނީ އެހީ އެ ގައުމަށް ވެއްދޭ މައި ދޮރާއްޓެވެ.
ޔަމަނުގެ ސަރުކާރާއި ހޫޘީ ހަނގުރާމަވެރިންނާމެދު މިދިޔަ މަހު ސްވިޑަންގައި ކުރިޔަށްގެންދެވުނު މަޝްވަރާތައް ނިމިފައިވަނީ އޮބްޒަވަރުން ބޭތިއްބުމަށް އެއްބަސްވެގެންނެވެ.
އޮބްޒަރވަރުންގެ 20 އަަކަށް މެމްބަރުންގެ ފުރަަތަމަ ޓީމަށް މިދިޔަ މަހުން ފެށިގެން ޔަމަނުގައި މަސައްކަތްކުރުމުގެ ހުއްދަ މިދިޔަ މަހުންފެށިގެން ދީފައިވާއިރު އެ މީހުންނަށް ކަނޑައެޅިފައިވާ މެންޑޭޓް މި ޖެނުއަރީ މަހުގެ 20 އަށް ހަަމަވާނެއެވެ.
ޔަމަނުގެ ހަނގުރާމަ ފެށިގެންދިޔައީ ޔަމަނުގެ ހޫޘީން އެގަމުގެ ވެރިރަށް ސަންއާ ހިފައި ރައީސް އަބްދު ރައްބޫ މަންސޫރު ހާދީގެ ވެރިކަން ވައްޓާލި ހިސާބުންނެވެ.
އޭގެ ފަހުން ހަނގުރާމަ އިތުރަށް ހޫނުވީ އެ ސަރުކާރު ދިފާއުކޮށްދިނުމަށް 2015 ވަނަ އަހަރު ސައުދީ އަރަބިއާއާއި ޔޫއޭއީ އިސްވެއޮވެ އަސްކަރީ ކޯލިޝަނެއްހަދައި ހޫޘީންނާ ދެކޮޅަށް ހަމަލާދޭން ފެށުމުންނެވެ.
