ބާޒާރުގައި އުޅެނީ ޕްލާސްޓިކް ބޭހެއް ނޫން، ވަކި ގޮތަކަށް ފަރުމާކޮށްފައިވާ ބޭހެއް: އެމްއެފްޑީއޭ
3 ޖެނުއަރީ 2019 | ބުރާސްފަތި 11:08އެއީ ލޭމައްޗަށް ދިއުމުގެ ބައްޔަށް ދޭ ބޭހެއް
ޕްލާސްޓިކް ބޭސްތަކެއް ދައުރުވާކަމުގެ ޝަކުވާ ސޯޝަލް މީޑިއާގައި އާންމުވެފައިވޭ
ރާއްޖޭގެ ބާޒާރުގައި ޕްލާސްޓިކް ބޭސްތަކެއް ވިއްކަމުންދާ ކަމުގެ ޝަކުވާ އާންމުވެފައިވާތީ، އެ ބޭހަކީ ވަކި ޚާއްސަ ގޮތަކަށް ފަރުމާކޮށްފައިވާ ބޭހެއް ކަމަށް މޯލްޑިވްސް ފުޑް އެންޑް ޑްރަގް އޮތޯރިޓީ (އެމްއެފްޑީއޭ) އިން ބުނެފިއެވެ.
ބުރާސްފަތި ދުވަހު އެމްއެފްޑީއޭ އިން ކުރި ޓްވީޓެއްގައި ބުނެފައި ވަނީ "ޕްރެޒޯސިން ހައިޑްރޯ ކްލޮރައިޑް ޖީއައިޓީއެސް ޓެބްލެޓް"އަކީ ހައިޕަރޓެންޝަން ނުވަތަ ލޭމައްޗަށް ދިއުމުގެ މައްސަލައަށް ފަރުވާކުރުމަށް އުފައްދާފައިވާ ބޭހެއް ކަމަށާއި، އެ ބޭހަކީ އޭގެ ޒާތުގައި ވަށައިގެން ގިރިގެން ނުދާނެ ފަދަ ފަށަލައެއް ނުވަތަ ޕޮލިމަރއެއްގެ ތެރޭގައި ތައްޔާރުކޮށްފައިވާ ބޭހެއް ކަމަށެވެ.
އޭގެ އިތުރުން ހަށިގަނޑުގެ ތެރެއަށް ވާސިލު ވުމަށް ފަހު އެ ބޭހުގެ ބޭރު ފަށަލަ ނުވަތަ ޕޮލިމަރ ހަށިގަނޑުން މަޑުމަޑުން ބޭރުވާނެ ކަމަށް ވެސް އެމްއެފްޑީއޭ އިން ކުރި ޓްވީޓްގައި ބުނެފައި ވެއެވެ.
އެ ބޭހުގެ ހަޤީޤަތް އެމްއެފްޑީއޭ އިން ހާމަކޮށްފައިވާއިރު، ރާއްޖޭގެ ބޭސް ފިހާރަތަކުގައި ޕްލާސްޓިކް ބޭސް ދައުރުވާ ކަމަށް ބުނެ ގިނަ ބަޔަކު ވަނީ މީސްމީޑިއާގައި ވާހަކަދައްކާފައެވެ.
