ހީނާ ޚާން ރާއްޖޭގައި
5 ނޮވެމްބަރު 2018 | ހޯމަ 18:16ހީނާ ރާއްޖޭގައި ޗުއްޓީ ހޭދަކުރަނީ ޖުމެއިރާ ވިޓަލެވި ރިސޯޓްގައި
އަޒްލިފާ އަބްދުﷲ | 5 ނޮވެމްބަރު 2018 | ހޯމަ 18:16
ހީނާ ޚާން
ޓީވީ ތަރި ހީނާ ޚާން ރާއްޖޭގައި ޗުއްޓީ ހޭދަކުރަން ފަށައިފިއެވެ.
"ކަސައުޓީ ޒިންދަގީކީ 2" ގައި ކޮމޯލިކާގެ ރޯލް އަދާކުރަމުންދާ ބަތަލާ ރާއްޖޭގައި ޗުއްޓީ ހޭދަކުރަނީ ޖުމެއިރާ ވިޓަލެވި ރިސޯޓްގައިއެވެ.
އެ ރިސޯޓްގައި ނަގާފައިވާ ގިނަ ފޮޓޯތައް ހީނާ ވަނީ އޭނާގެ އިންސްޓަގްރާމްގައި ހިއްސާކޮށްފައެވެ.
އެނގިފައިވާ ގޮތުގައި ހީނާ މިދިޔަ އާދިއްތަ ދުވަހު ރާއްޖެ އައިސްފައި ވަނީ އޭނާގެ ލޯބިވެރިޔާ ރޮކީ ޖެއިސްވާލްއާ އެކުގައެވެ.
ހީނާ ބެލުންތެރިންގެ މެދުގައި މަގްބޫލުކަން ހޯދާފައި ވަނީ ސްޓާ ޕްލަސް އިން ދެއްކަމުންދާ ޑްރާމާ ސީރިއަލް "ޔޭރިޝްތާ ކިޔާ ކެހެލާތާހޭ"ގެ އަކްޝަރާގެ ރޯލުންނެވެ.
އެ އަށް ފަހު ހީނާ ވަނީ ސަލްމާން ޚާން ހޯސްޓްކުރާ "ބިގް ބޮސް" އިން ވެސް ފެނިގެން ގޮސްފައެވެ.
