"ތަމާ ތަމާ އަގެއިން" އާ ދޭތެރޭ ސަރޯޖް ޚާން ހިތްހަމަ ނުޖެހިފައި
އޭނާ އެ ލަވަ އެއްކޮށް ނުބަލާ
އާލިއާ ބަޓް އަދި ވަރުން ދަވާން
ދާދި ފަހުން ރިލީޒް ކޮށްފއިވާ "ތަމާ ތަމާ އަގެއިން"ގެ އާ ވަރޝަންއާ ދެތެރޭ މަޝްހޫރު ކޮރިއޯގަރާފަރ ސަރޯޖް ޚާން ހިތްހަމަ ނުޖެހިއްޖެއެވެ.
"ތަމާ ތަމާ އަގެއިން" އަކީ 1990 ވަނަ އަހަރު ރިލީޒް ކޮށްފައިވާ ފިލްމް "ތަނޭދާރު" ގައި ހިމެނޭ ލަވައެކެވެ. ކުރީގެ ލަވައިގެ ކޮރިއޯގްރަފަރ ސަރޯޖް ޚާން ބުނެފައިވަނީ އޭނާއާ އިންވައިޓްނުކޮށް މާދުރީ ގެންދިޔަޔަސް އެކަމާ އޭނާގެ އެއްވެސް މައްސަލައެއް ނެތް ކަމަށެވެ. ނަމަވެސް އޭނާގެ ހުރިހާ ލަވައެއްގެ ޑާންސް ވާރޝަންއެއްގައި ވެސް ބަލާ މީހުނަށް ކޮންމެވެސް ފެންވަރަރެއް ހުންނަން ޖެހޭނެ ކަމަށެވެ.
ސަންޖޭދަތާއި މާދުރީ ޑިކްސިޓް އެކްޓް ކޮށްފައިވާ މި ލަވައިގެ ފަހުގެ ވާރޝަންގައި ފެނިގެންދަނީ އާލިއާ އާއި ވަރުން އަށް ނަށަން ދަސްކޮށްފީފައި ވަނީ މާދުރީއެވެ.
"ތަމާ ތަމާ އަގެއިން" މިލަވަ ހިމަނާފައިވަނީ އާލިޔާއާއި ވަރުން އެންމެ ފަހުން ކުޅެފައިވާ "ބަދްރީނާތްކީ ދުލްހަނިޔާ" ނަމަކަށް ކިޔާ ފިލްމުގައެވެ.
ސަރޯޖް ބުނެފައި ވަނީ އޭނާ އެ ލަވަ އެއްކޮށް ނުބަލާ ކަމަށާއި އޭނާއަށް ފެނިފައިވަނީ ހަމަ އެކަނި ޓްރެއިލާ ކަމަށެވެ.
އެހެން ކަމުން އެލަވައާ ދޭރެތޭ އެއްޗެއް ބުނަން ނޭނގޭ ކަމަށް ސަރޯޖް ބުންޏެވެ.
ސަރޯޖް ބުނެފައިވަނީ ވަރުން އާއި އާލިއާގެ ހުށަހެޅުމަށް ބަލާއިރު ވަރުން އަކީ މޮޅު ނެށުންތެރިއެއް ކަމަށާއި އެހެންކަމުން ވަރުން އަށް ސްޓެޕްތައް ރަނގަޅަށް ހެދޭނެ ކަމަށެވެ. ނަމަވެސް އާލިއާއަށް މަދޫރީއާ އެއްގޮތަށް ނެށިދާނެ ކަމާ މެދު ޔަގީންކަން ނެތް ކަމަށެވެ.
