އިރްފާން ޚާންގެ ދަރިފުޅު ބޮލީވުޑަށް!
ދަރިފުޅު ފެނިގެންދާނީ ކެމެރާ އެސިސްޓަންޓެއްގެ ގޮތުގައި
އިރްފާން ޚާން: ދަރިފުޅު ވެސް ބޮލީވުޑަށް
ފިލްމީ ތަރި އިރްފާން ޚާންގެ ދަރިފުޅު ބާބިލް ޚާން ބޮލީވުޑާއި ގުޅިއްޖެ އެވެ.
ފިލްމީ ތަރިއެއްގެ ދަރިއަކަށްވުމުން ގިނަ ބަޔަކު އުންމީދުކޮށްގެން ތިވީ ބާބިލް ވެސް ފެނިގެންދާނީ ކެމެރާގެ ކުރިމަތިން ކަމަށެވެ. ނަމަވެސް، ބާބިލް ކެމެރާ ކުރިމައްޗަށް އަރަން ބޭނުންނުވާ ކަމަށާއި އޭނާ ފެނިގެން ދާނީ ކެމެރާ އެސިސްޓަންޓެއްގެ ގޮތުގައި ކަމަށް ގިނަ ފަރާތްތަކުން ވަނީ ބުނެފަ އެވެ. އަދި، ބާބިލް ބޭނުންވަނީ ފިލްމް ހަދާ މީހަކަށް ވާން ކަމަށް ވެސް ބޮލީވުޑް ޚަމަރުތައް ބުނެއެވެ.
އެގޮތުން، ބާބިލްގެ މަސައްކަތް ފެނިގެންދާނީ ބައްޕަ އިރްފާންގެ ފިލްމުންނެވެ. އަދި، ނަމެއް ދީފައިނުވާ ފިލްމުގެ ޝޫޓިންގގެ މަސައްކަތް މިހާރު ވަނީ ފަށާފަ އެވެ. މާޗް މަހު ޝޫޓިންގ ނިމޭނެ ކަމަށް ބެލެވިފައިވާ އިރު، މި ފިލްމު ނެރޭނީ މިއަރު ފަހުކޮޅުގައި ކަމަށް ބެލެވިފައި ވެއެވެ.
އިރްފާންއަކީ ބޮލީވުޑްގެ އިތުރުން ހޮލީވުޑްގެ ގިނަ ފިލްމްތަކެއްގައި ވެސް ފާހަގަކުރެވޭ ރޯލުތަކުން ފެނިގެން ގޮސްފައިވާ ތަރިއެކެވެ. އޭގެ ތެރޭގައި އޮސްކާ ހާސިލްކުރި "ސްލަމްޑޯގް މިލިއަނާ" އާއި "ލައިފް އޮފް ޕައި"، "ދަ އެމޭޒިން ސްޕައިޑާ މޭން" އަދި "ޖުރަސިކް ވޯލްޑް" ފާހަގަކޮށްލެވެއެވެ.
