ޝާހުރުކް ޚާންގެ ކޮނޑުހުޅަށް އަނިޔާވެ އަނެއްކާ ވެސް ސާޖަރީއެއް ހަދައިފި
ޝާހް ވަނީ ސާރޖަރީއެއް ހެދި ކަމަށް ބުނެ މަޖާ ފޮޓޯއެއް ޓްވީޓް ކޮށްފައި
ޝާހުރުކް ޚާން
ބޮލީވުޑްގެ ސުޕަ ސްޓަރ ޝާކުރުކް ޚާންގެ ކޮނޑުހުޅަށް އަނިޔާވެ އަނެއްކާ ވެސް ސާޖަރީއެއް ހަދައިފިއެވެ.
ޝާޚުރުކްގެ ބޮލީވުޑް ކެރިއަރގައި ހޭދަވީ 25 އަހަރުގެ ތެރޭގައި އޭނާއަށް ވަނީ މީގެ ކުރިން ވެސް ފިލްމް ޝޫޓިންތަކުގައި އަނިޔާވެ ކަކުލާއި ކޮނޑުހުޅުގެ ސާރަޖަރީ ހަދާފައެވެ.
މިދިޔަ ހުކުރު ދުވަހު ޝާހް ވަނީ ސާރޖަރީއެއް ހެދި ކަމަށް ބުނެ މަޖާ ފޮޓޯއެއް ޓްވީޓް ކޮށްފައެވެ.
އެ ޓްވީޓުގައި ވަނީ ވާތު ކޮނޑުގެ އިތުރު ސާރޖަރީއެއް ހަދަފައިވާ ކަމަށް ބުނެފައެވެ. އަދި އެ ފޮޓޯގައި އޭނާގެ ކަނާއަތުގައި "ނޮޓް މީ" ޖަހާފައި ވެއެވެ.
އެކަމާ ބެހޭ ގޮތުން ޝާހް ބުނެފައި ވަނީ އެނާ ކަނާއަތުގައި ލިޔެފައިވައިވާ ލިޔުމަކީ އޮޅިގެން ނުބައި އަތެއްގެ ސާޖަރީ ހެދިދާނެ ކަމަށް ލިޔެފައިވާ ލިޔުމެއް ކަމަށެވެ.
މިއީ ޝާހްގެ ވާތު ކޮނޑުހުޅުގެ ސާރޖަރީ ހެދި ދެވަނަ ފަހަރެވެ. މީގެ ކުރިން 2013 ވަނަ އަހަރު "ޗެންނާއި އެކްސްޕްރެސް" ޝޫޓީން ތެރެއިން ލިބުނު އަނިޔާއެއްގެ ސަބަބުން ވަނީ ވާތު ކޮނޑުހުޅުގެ ސާރޖަރީއެއް ހަދާފައެވެ.
މީގެ އިތުރުން ފިލްމް "ރައީސް" ގެ ޝޫޓީން ތެރެއިން ލިބުނު އަނިޔާއެއްގެ ސަބަބުން ވަނީ ދާދި ފަހުން ކަކުލު ހުޅުގެ ސާރޖަރީއެއް ހަދާފައެވެ.
