"ޑަންގަލް"ގެ ކާމިޔަބަށްފަހު އާމިރު ޚާން "ތަގްސް އޮފް ހިންދުސްތާން" އާ އެކު ނިކުންނަނީ
24 ފެބުރުއަރީ 2017 | ހުކުރު 12:08އާމިރުއާ އެކު މުހިންމު ރޯލުން ފެނިގެންދަނީ އަމީތާބް ބައްޗަން
އާމިރު ޚާން އާއި އަމީތާބް ބަޗަން
"ޑަންގަލް" ގެ ކާމިޔާބަށްފަހު "ތަގްސް އޮފް ހިންދުސްތާން"ގެ ނަމުގައި އާމިރު ހާން އަނެއްކާ ވެސް ބޮޑު ފިލްމެއްގެ މަސައްކަތް ފަށައިފިއެވެ.
ޔަޝް ރާޖް ފިލްމްސް އިން އުފައްދާ މި ފިލްމްގައި " މިސްޓަރ ޕާފެކްޓް" ގެ ނަމުން މަޝަހޫރު ވެފައިވާ އާމިރު ޚާނާއެކު މުހިންމު ރޯލުން ފެނިގެންދަނީ މެގަ ސްޓަރ އަމީތާބް ބައްޗަން އެވެ.
އަދި މި ފިލްމުގެ ބަތަލާގެ ރޯލަށް ޑަންގަލްގެ ބަތަލާ ފާތިމާ ޝަނާ ޝައިޚް ހަމަޖައްސާފައިވާ ކަމަށް މީޑިއާ ރިޕޯޓްތައް ބުނެއެވެ.
މި ރޯލަށް އެންމެ ފުރަތަމަ ހަމަޖައްސާފައިވަނީ "ވާނީ ކަޕޫރު" ކަމަށް ޚަބަރުތައް ބުނި ނަމަވެސް ފަހުން ވަނީ އާލިޔާ ބަޓް ނުވަތަ ޝްރައްދާ ކަޕޫރުހަމަޖެއްސި ކަމަށް ވެސް ޚަބަރު ފެތުރިފައެވެ. ނަމަވެސް މީޑއާ ރިޕޯޓްތައް ބުނާގޮތުން އެ ރޯލަށް މިހާރު ހަމަޖއްސާފައިވަނީ ފާތިމާއެވެ.
މިކަމާއި ގުޅޭ ގޮތުން އެއްވެސް ފަރާތަކުން ރަސްމީކޮށް ބަހެއް ބުނެފައެއް ނުވެއެވެ.
"ދޫމް 3" ގެ ވެސް ޑައިރެކްޓަރ ވިޖޭ ކްރިޝްނާ އަޗާރިޔާ ޑައިރެކްޓް ކުރާ މިލްމު ރިލީޒް ކުރުމަށް ހަމަޖައްސަފައި ވަނީ އަންނަ އަހަރުއެވެ.
