ޝާހުރުކް ޚާންގެ ކާރުން ޖެހި ފޮޓޯގްރާފަރަކަށް އަނިޔާވެއްޖެ

ބޮލީވުޑް ސުޕަރ ސްޓަރ ޝާހުރުކް ޚާންގެ ކާރުން ޖެހި ފޮޓޯގްރާފަރަކަށް އަނިޔާ ވެއްޖެއެވެ.

މި ހާދިސާ ހިނގާފައި ވަނީ ބުދަ ދުވަހުގެ ރޭ އާލިޔާ ބަޓްގެ 24 ވަނަ އުފަންދުވަސް ފާހަގަކުރުމަށް ބޭއްވި ޕާޓީއަށް ދިޔަ މަގުމަތީގައެވެ.

އާލިޔާގެ ގޭ ކައިރީގައި އެއްވެ ތިބި ނޫސްވެރިންނާއި ފޮޓޯގުރާފަރުންވަނީ ޝާހުރުކް ޚާން ފެނިގެން ކާރުގެ ކައިރިއަށް އެއްވެފައެވެ.

އެވަގުތު ފޮޓޯ ގްރާފަރަކު ކާރާއި މާކައިރިވުން ކާރު ދުވެފައިވަނީ އޭނާ ގެ ފައި މަތިން ކަމަށް ރިޕޯޓްތައް ބުނެއެވެ.

ވަގުތުން ޝާހު ވަނީ ކާރުން ފައިބާ ޝާހުގެ ކާރުގައި އޭނާ ހޮސްޕިޓަލަށް ފޮނުވާފައެވެ.

މިހާދިސާ ހިނގި ވަގުތު އެތާ އެއްވެ ތިބި މީހުންގެ ތެރެއިން މީހަކު ބުނިގޮތުގައި އެ ފޮޓޯގަރާފަރަކީ އަލަށް ފޮޓޯނަގަން ފަށާފައިވާ ފޮޓޯގްރާރަކަށް ވުމުން ޝާހުރުކް ޚާން ފެނުމުން އެކްސައިޓެޑް ވެފަ ހުރި ވަރުން ކާރު އޮތީ މާކައިރީގައި ކަން ނުފެނީކަމަށެވެ.

އެކްސިޑެންޓްވި ފޮޓޯގްރާފަރަށް މާބޮޑު އަނިޔާއެއް ލިބިފައި ނުވާ ކަމަށާއި އޭނާއަށް ހޮސްޕިޓަލުން ދޭން ޖެހޭ ހުރިކާ ޚިދުމަތެއް ދީފައިވަނީ ޝާހުރުކްގެ ޚަރަދުގައި ކަމަށް ޚަބަރުތައް ބުނެއެވެ.